Myanmar raltlante tanpuina atana Mobile Charity Concert a pawisa hmuhte MZP Conference Hall-ah inhlanna hun hman Mizoram MZP te leh Zaithiam te leh mipuite chungah lawmthu kan sawi na

Nimin ni 17th August, 2022 (Ningani) chawhnu dar 2 khan MZP Conference Hall-ah, Myanmar ram chhung Tahan (Kalay Region) raltlante tanpuina atana Mizo Zirlai Pawl, Mizo Zaimi Inzawmkhawm Pawl te (MZI), People United in Music with a Purpose (PUMP) leh NGO United for Democratic Myanmar te tangkawpin neih zawh a ni.

He Mobile Charity Concert hi tum 3 lai mai Zawl khawpui kawngpui peng thuam hrang hranga vehbur kan khawn pawisa kan hmuh tlingkhawm India tangka Rs 503,534 /- chu Tahan (kalay Region) tanpuitu pawl hnenah kan zavai aiawhin MZP president in a hlan ta e. Tukin zinga pawisa thlengna rate thar Rs 100= Kyats 3500 a nih tak tak phei chuan a tam viau ang.

Pu Andrew F Lalramnghaka Vice President, MZP in program hi hneh takin a kaihruai a , MZP President Pu Mawitea Pautu in zaithiamte leh tlawmngaia rawn pen chhuakte, tangka sum hmanga tanpuina thilpek petute zawng zawng hnenah lawmthu a sawi a ni.

Zaithiam thenkhat pawh an lo tel leh a, zai rimawi tha tak tak ngaihthlakna hun tha kan nei thei bawk e.Tin, Zaimi te pawl hrang hranga a khaipa ber Pu David Z.Hmar in thusawina hun a nei a,

Tun tumah chuan zaimite hnenah lawmthu sawi kan ba e, kan tih kha hmaichhanah lawmthu kan in hrilh mawlh mawlh a, picnic spot lama zanriah buatsaih a lawmthu kan sawi tum pawh chu a ngai lo ve, kan rawn kal hman chuang lo vang ,Kan unau mangangte tanpui thei a kan awm hi kan lawm e, an ti a ni.

Raltlan tana tanpuina min petute hi kawngpui dunga dawrkai te, Car / Bus /Bike Taxi driver leh an passenger te,Bawlhhlawh paih motor driver leh an handyman te, chawhmeh zuarte.,thawmhnaw zuarte,secondhand zuarte ,zirlai sikul bangte ,mistari ,nitin a eichawp zawng ve tho te an ni hlawm a, mahni aia harsa zawkte hnena tanpuina vehbur khawn pawh a zahthlak duhang reng a,mahse an mahni tanpuina duhna thinlung hi a ropui hle ka ti.

Zaithiam ringawt chungah lawmthu kan sawi lova, zei taka Concert min kaihruaitu Host hmeltha deuh pahnih chungah kan lawm tak zet bawk e.

Tanpuina kawng zawnsaktu leh a bultumtu ber zofate inpumkhatna tana theih tawp chhuahtu MZP te chungah kan lawm tak zet e.cp tluanga chhakchhuak

 

Author: admin

Leave a Reply

Your email address will not be published.