Awnmawi Music thiam Salai Lai Lung Lian Liante nih Sterling guitar cu Chin pawl hrang ah a pe, auction in $700 in zuar ngah.

Tlawngta ka si ii music hi ka duh tuk mi a si. Ka nunnak tluk i ka ruat mi a si. Raldonak hrang ah ka tel duh ve ii sumpai ka nei ve silo, income ka nei ve silo ii, ka neihsun te hi ralkap pawl hrangah ka thawh ve duh reng reng ti lungput thawn ka ra nak a san asi..’’ tiah Chin TV live auction ah a Sterling Guitar a rak keng tu, Chin music khawvel ah awnmawi lam ah in hruaitu le awnmawi thiam Salai Liante nih a ti.

Salai Liante ih Sterling guitar cu $300 ih zuar thok asi ii $700 in anetnak ah Miphun duhdawttu pakhat in a lei a si. Guitar ih a thar aman cu $1049.99 a si ii, John Petrucci Signature model asi.

Chin TV le CCRFC cu hmailam ah tla thlakhat ah vei(2) in Fundraising tuah ringring ding a si. Hmailam ah hitivek ram le Miphun duhdawttu thinlungput mawi neitu mipi pawl tampi an run suak vivo ding tiah ruahsannak tla a um.

$800 silo in $700 sawn a si. $800 tin ka ngan sual ii, ka rak rem sal zo. -editor.

 

Author: admin

Leave a Reply

Your email address will not be published.