Mizoram Khawbuang Khua Ah Rapthlak Zet In Kawlram Mi That Aw

Date 14. 8. 2022: Myanmar ram Hnahthial khaw mi Hrangthanche (40) cun Myanmar lam mi tho, Langzang (Rihdil chhak lawk) khaw mi Ngokhando (42) cu sobulin a vuak that.

Pu Ngokhando (Pu Doa) hi Khawbung leh a kiangkapah khawsak lam thil, mistiri bungrua leh electronics thil phun phun zuar theu ih, Pu Hrangthanche hi Khawbung ram khua ah thingat theu mi a si. Hrangkhanche cun Pu Doa chainsaw a ba in a lak sak ih, a thil laknak man ba cu Pu Do in a hlam cu, Hrangkhanche cun a rak that a si tiin an sim.

 

Hrangthanche-in Pu Do hi a tukkhum, a luthlung le a calah sobulin a vuak ih, thisen khal a suak nasa ih, A vuak that hnu ah thlanglam sangkate ih sina ruang hi a hlawn ih, a ruang a hlawn nak hi pi 20 hrawng ih sang a si. A ruang a hlawn nak hi human sung ah hlapi a hnuk thlak ih kawrruam thlangah tivakua ah a a tan ta a si. Ruang a hnuhthlaknak lamah hrampihnah thisen kai mi cu thup tumin a hnuh thlaknak cu hlamkhat lai kauin a sam fai ih, insung ih thisen tlak mi khal tidaiin a khawlh fai thluh a si.

Hrangthanche cun hi mi thil a tit heh hnu ah  nizan ah khan khawtual mi pawl hnenah ‘tual a thah thu leh, police ih report’ aw a duh thu a sim ih. Khawtual mi pawl cun hian a tirah cun a zuri tawng mai maiah an ngaih deuh na in, an ngaih a tha ciah ruangah, police lam an theihter ih , police pawl an ra thlen hnuah thu an sut fiang cu  thil thlen dan an thei fiang thei a si. Tiin, thudawnnak cun a sim.  Nizan nazi 11 hrawngah khan Pu Ngokhando ruang khal hmuh a si. Pu Ngokhando le a a rualpa  phone in biak awk hun le a hnu lawk ih call a lak theih lo hnu ih sin an hun tuat ih tualthahnak thlen mi hi  zanlam nazi 2-2:30 hrawng a si ding tiah an zum.

Pu Ngokhando hi pa tha tak mai a si tiin an rel ih, midang khal a zum thluh mi a si ih, a thil zawrh mi pawl khal a baih pek mi khal a ne phah phah theu ih, a khat tawkin cui a thil zawrh man ba te cu a khawn kual ve leh mai theu ih, cu mi ba a khawnnak lamah vansiatnak hi a tawng ta a si. Pu Do cun  Khwabungah hin in luah a nei hran lo ih, thlenna bik neiin cu mi hmunah cun mi 5/6 an thleng khawm theu ih, riah man kuan loin ei man an kuan men theu. A nupi leh a fate 4 a tan san. A nupi fanaute hi an khua langzang lamah an um.

Hrangthanche hi kum 3 hrawng liamta ah khan a nupi Mizoram lam ah a tlan ih Khawbungah hin rawn dawi in an nei aw sal ih, mi in luahin fa 3 an nei ih, an fate lak ih pakhatin a thih san zo. Amah hi thing at theu mi a si ih, Khawbung ram ah hin thing a at nasa a si.

Hi ti vek ih rawng tak ih tualthahnak hi Khawbungah a rak thleng dah lo ih, khawbung mipi an thinlung a nain hrehum an ti ih, Police kuta Hrangthanche a um zo cu nizan ah khan lak sak tumin mipi leh police nawrawknak khal a thleng ih, val upa pawlin ban pharin boruak an ti dai thei hram a si.

Pu Ngokhando sungte le rualpi Mizoram khaw dang dang ih sin Khawbung an rawn thleng khawm ih, Khawbung PHC-ah a ruang postmortem ti theh a si hnuah an khua Langzang panpi dingin khawtual mipiin an thlah liam fel chiah a si. (14.8.2022 12:58pm)

Source: Mapuia Hnamte Khawbung. NB: Ka remtihna lovin YouTube lamah chhiar loh nise ka lawm ngawt ang.vnt

 

Author: admin

Leave a Reply

Your email address will not be published.