Mipui veng himtu Sipai Regional People’s Army ten kum 1 leh a chanve chhungin Yangon kawpui lak an tum ta rup mai le

Thuneihna pawng laktu military council thuhnuaia awm Yangon khawpui, region pumpui chu kum khat leh a chanve chhunga lak theih vek an tum thu Regional People’s Army pawlin an sawi a.

Revolution force pawl 16 hmanga din Yangon Regional People’s Army chuan Wave chi thum – Rose Wave, Eagle Wave leh Dragon Wave te hmanga lak tumin military strategy ruahman vek a ni tawh a.

Chung Wave 3-a Rose Wave chu bomb puak lam chi niin, Eagle Wave chu nasa zawka puak thei thil hman leh a tawp ber wave Dragon wave erawh a tawp thlenga Yangon khawpui lak theihna tur a ni thung a.

Chung wave pathumte hmangin Yangon region pumpui chu National Unity Government (NUG) sorkar hnenah hlan let, military council a tawp thlenga hnawh bo a nih tur thu hriat a ni.

Regional People’s Army pawl hruaitu pakhat chuan, “NUG sorkarah thuneihna tawp/sang ber (Sovereignty) a awm hi kan duh a. A hmawrbawkna Dragon Wave-ah chuan military council chu Yangon reigon atanga hnawt bovin, a puma thununa vek thei turin kan bei dawn a ni,” tiin a sawi.

Yangon region chu thuneihna latu military council kut atanga la let tura Wave pathum hmanga beih a nih hunah ethnic armed group-te tanpuina lak ngei an tum thu a sawi tel bawk a.

Revolution force pawl 16 hmang din Yangon region People’s Army pawl chuan August ni 7 khan an hmalakna Wave pathum chungchanga military strategy an neih dante chu press conference kaltlangin an puangzar a. An pawl hi kumin April ni 27-ah Yangon region chhunga revolution pawl hrang hrang 16 intelkhawma din a ni.Cp the tahan post

 

Author: admin

Leave a Reply

Your email address will not be published.