Kalaymyo Tayakone Do Awk Nak A Nasa Em Rak Zoh Hman Uh  Mipi Ralkap Thlacaknakin Bawm An Tul Video in Zoh Thei

August ni 2, 2022 ah Sagaing ramthen, Kalaymyo saklam ihum TharYarGone khua ih hmunhma latu SAC ralhrang le PDF-Kalay, tangkop mipi kilhimbu pawl karlak nasa zetin kahdoawknak asuak ih SAC lamin ralkap 15 lenglo an thi ding zum aum tiah PDF-Kalay ih mipi ralkap pakhat in Chin TV asim.

Cuih kahawknak ah SAC lam in hriamhreipi hmang in an kap ih mipi inn le lo hrekkhat khal meisa thawn an urkang tiah theih asi.

August ni 2 ihsin ni 4 sung kahdonak ah PDF- Kalay lamin paraltha (1) le ပ.က.ဖ lamin mipi ralkap (2) cu ram le miphun hrangah nunnak an hlan ih paraltha (17) hliamhma an ngah ti khal theih asi. Mipi lam khalin cuih kahdonak ruangah Kalaymyo saklam ah sukso fehlo dingin PDF-Kalay in mipi dilngennak ca an suah.

Mipi bawmnak an tultuk ruangah PDF-Kalay hrangah sumpai thawh in thazang pek bawm duhtu cun Kalay- PDF Battalion -12 Facebook page ah thuhla zingzoi in bawmnak pek thei ringring asi.

 

Author: admin

Leave a Reply

Your email address will not be published.