US House Speaker Pi Nancy Pelosii in Taiwan ram khawpui Taipei-ah August 3, 2022 khan a zin a, a hmecihhe pui Taiwan President rorum tak Pi Tsai Ing Wen-i nen an in kawm

Khawvel ram thenkhat hi democracy leh dictatorship chu duhthlang turin dinhmun khirh tak kar-ah an awm mek a.America ram hian Taiwan leh ram dangte democracy lam tluanga an kalna kawngah an thahrui tichak turin hma kan la mek a ni tiin US House Speaker Pi Nancy Pelosi chuan Taiwan ram a tlawh tum khan a sawi a ni.

Nancy Pelosi’i thusawi chuan Myanmar rama social network hmangtute zingah ram kang ang maiin a darh chak hle a, mipuite thinlungah beiseina thar neiin an rilru ah a thusawi chu a tla na hle laiin Rulputara te pawl military dictator lam chuan he thil hian an ngeng a chhun na hle thung a ni.

Military council sorkar hian ram hla zawk Russia a biak that zawk avangin China a ti lung ni vak lova, China thlawpna pawh a neih tlem tual tual hunlai tak a ni a, tun hi American nu thusawi avangin Burma sipai sorkarin China sorkar tlawn lungawi tumin hun remchang lain thuchhuah an siam ve bawk a ni.

Nancy Pelosii hi Taiwan rama zin lo turin china sorkar in vawi duai lo in, a lo dang tawh a, a zin chuan buaina a chhuah dawn thuin a lo vau tawh nghe nghe a ni.

Khawvel ram hrang hrang pawh hian Taiwan a zin hi eng tak thleng ang maw tiin nghak hlel takin an lo thlir thup a, Sipai awpbetna hnuaia awm Myanmar mipui te pawh in an ngaihven hle a ni.

Pi Nancy Pelosi-i thusawi chuan Burma rama sipai thuneitute bakah Asia hmarchhak rama dictatorship hmanga awpbeh ramte chu an barakhaih chiam a, an mangang ru hle hlawm a ni.

A mah Pi Nancy Pelosi-i hi kum 25 chhunga America ram hruaitu lawk zinga Taiwan (Formosa) rama zin hmasa ber a ni.

China erawh chuan Taiwan hi ram dang angin a la pawm thei lova, China ram bungkhat (territory.) ang ah a la ngai thung a ni. Chinese jet fighter te chu Taiwan tuipui ah Nancy Pelosii Taiwan rama a cham chhung zawngin tih thaih tum ranin a thlawk kual reng a, China vaupum a nat tawh teh reng nen eng thil mah a thleng ta lo a ni.

Myanmar Military Council hnuaia Ministry of Foreign Affairs chuan Nancy Pelosii Taiwan zinna chu nasa taka lo dem in US House of representative speaker Taiwan zinna hi tualchhung boruak ti sosang thei thil leh mi ramchhung inrelbawlna thila inrawlhna a ni tiin China thlawpna beisei ran in thuchhuah a lo siam ve a ni.

Taiwan hi China mainland atanga dah hran theih loh ram a nih thu leh an ram in one-China policy a hman mek hi a thlawp thu a tarlang bawk.

Note:- Hei hi news a ni lova, News Commentary huang chhunga mi a ni a, Kharchhawng thu post thin Journalism hrethiam lo ,RULA chuan ka ngaihdan ka ziak tel leh tawh a ti leh ngei ang

 

Author: admin

Leave a Reply

Your email address will not be published. Required fields are marked *