CHINA NGAMLOH TAIWAN HMEICHHE PRESIDENT TSAI-I A hunlai a ni bawk a , US House of Representative speaker , Pi Nancy-i in a tlawh tak,Taiwan keite tih hial thin , Taiwan President Nula Tsai-i chanchin lo zep lawk ang u.

khawvelah Hmeichhe thil tithei tak takte an lo chhuak teuh tawh a.Chung zingah chuan ram khat roreltu Queen kan tih ang chi pawh an lo awm teuh tawh bawk a ni. Entirnan Queen Elizabeth-i te ang kha a ni a.

Hmeichhe Politician zawk kha kan ngaihsan leh sawi tum a nih avangin chutianga inthlah chhawng (monarchy) ramkhat roreltute ni lovin , Democracy taka an thlan tlin politician nihna avanga ram hruaitu President /Prime Minister ni thei ta hi an lo awm nual mai.

Entir nan, UK a Margret Thatcheri,Pakistani Benazir Bhutto, Bangladesh rama Sheikh Hashina ,Myanmar ram hruaitu Aung San Suh Kyi leh thlan tlin ni lem lo mahse ,a rorel khawl phena patling pui pui te chunga roreltu India rama Sonia Gandhi te ang chi pawh an awm ve teuh mai. India rama president atan thlantlin thar Pi Murmu-i chanchin pawh sawi tur a awm cheu bawk.

Myanmar Mizo hmeichhia zingah pawh MP leh Chin Affairs Minister hiala thlan tlin, mipa thankin tawh Rulputara te tluk miah loh tur hmeichhe politician te chanchin ziah tur a awm laiin Taiwan hmeichhe politician zingah Taiwan ram President hial ni thei Tsai Ing Wen-i chanchin tawi lo thlir ang u hmiang.

Tunlai hian TV news lama kan hmuh lar em em South China Sea chungchanga buaina inmung reng avangin Taiwan ram hruaitute hian China ram lakah inralring rengin an awm a.Chu Taiwan ram thlarkar ram te takte-ah chuan Taiwan Hmeichhe President atan Nula Tsai Ing Wen-i chu a term 2 nan 2020 kum tir khan hneh takin thlan tlin a ni leh a ni.A hming lam a buaithlak deuh leh “SAII” “tih pawh in kan ko mai ta a ni ang chu.

Nula senior tak ni tawh President Tsai-i hi China nena inzawmna chu duh loh burtu a ni a,China hian hmeichhe awmnem zawk a nih avangin a rawn zuam ve ngawt a,tharum leh ralthuam hmanga Taiwan ram pawng lak mai pawh a duh mai hmel e.

China mainland hi “The People Republic of China” tih a ni a,Taiwan ram hi 1949 a civil war a tawp pawh khan a ram angin a la chhal zui ta char char a.Taiwan ram hi China mainland laka democracy duh vanga China Communist ho dolettu Chiang kai Sheika kaihhruai KMT party ten Mainland China an hneh tak loh vanga an raltlanna a ni.

Taiwan chuan The Republic of China (Taiwan) a in ti ve thunga.A ram hi President Tsaii kaihhruaina hnuaiah Democracy ram entawntlak tak a ni zel a, a ram mipuite an thawkrim in an hausa a, Asia khawmuala sumdawng hlawhtling ber ram a lo ni ta, IT tia hriat computer technology lamah an sang hle bawk a, computer kaihhnawih thil siamchhuak hnem ber ram an lo ni ta zel a ni.

Nula Tsai-i hi chhungkaw awm thei tak atanga seilian niin a pa hi motor workshop nei a eizawng a ni a, an fate 11 zinga naupang ber a ni bawk.Lehkha thiam thei tak ,LL.B leh LLM degree chu Taiwan leh America ram atangin a a zir hnuah London School of Economics atangin PhD a zo leh a. Chumi hnuah chuan dan lam pang zirtirtu, Law professor a lo ni chho ta a, Amaherawh hu kum 2008 atang khan politics-ah a zuanglut ta zawk a ni.

Democratic Progress Party ah hian chairperson niin 2008 atanga tun thlengin party hruaitu hna a la chelh ve reng a,mi hnam hmeichhiate hi chu an duai lo hle mai.

Taiwan hi kan hriat fo thin Formosa ram tih thin a ni a, Taiwan hian Constitution hrang a nei a, Democratic system hmangin ram hruaitu an thlang a, ram venghimtu sipai 300,000 vel a nei bawk a, Burma ram ditator Min Aung Hlainga sipai ai chuan a takah an tam hrim hrim a ni.

A tir khan chuan Taiwan zawk hian China ram pumpui ai kan awh a Republic of China kan ni an inti. UNSC ah pawh seat neiin an thu ve hial tawh a ni.Mahse mihring tam zawh China ram mainland chu an aiawh sorkar a ni thei lova UN in a hriat avangin Taiwan ram Republic of China chu UN member atangin a hnawl ta a, Mainland China sorkar “The Peoples Republic of China” chu UN member a nih tir ta zawk a ni.

Ram tam tak pawhin Taiwan sorkar nena diplomatic lama palai an in tir tawn ta lova, UNO lamah chuan an ram dinhmun chu a chiang thei lova, ram 15 vel nen chauh palai an in tir tawn a,mahse ram chhunga mi taima leh politician fel tak tak zarah Taiwan hi Developed Country a ni mek a ni. Thil dang pawh kan la sawi chhunzawm leh dawn nia.

 

Author: admin

Leave a Reply

Your email address will not be published.