Myanmar Military Council In Emergency Term 6 Sung Uk Nak Lak Sal Rul cun a rul zia a ti lang ciang nasa ta. Military council cun an ralkap dan hmangin ram uk nak 6 sung an lak sal thu 31 July mini ah khan an puang

National Defense and Security Council (Kaloon) meeting cu miin ah khan Sr. Gen Min Aung Hlainga hoin Nay Pyi Taw khawpi-ah an nei ih, an mai ih thiamthu an sim dan ah cun 2008 constitution in thuneihnak a pek vekin Military Council cozah in kum 1 sung military rule hmangin ram an uk thei ih, thla 6 dang a puan belh hnuah thla 6 dang khal a la puan belh leh theih thu military council thuthang puangtu in a sim a si. Cuticun a zaten kum 2 sung ralkap dana in ram uk sal dingin an puang zo a si.

Cuticun military rule hmangin duh tawk ih thu neihnak le lal thei sal nak can cu nakum Febuary thla-ah a tawp ding ih, duh tawkin mipi an hrobet nak hnuaiah thla 6 sung ah hril awk nak an tuah ding ih,an party din USDP leh an rualpi tha zawmpi party phuahcawp fa te te thawn tang kawpin Min Aung Hlaing hi President dinhmunah a hlangkai ding tih cu Luka ngan mi vekin a fiang a si.

Nikum, Feb 1, 2021 niah Myanmar Civil cozah hlawn ih thuneihnak la tu Myanmar Military Council cun an term cu thla 6 dang uk nak an lak sal ti hi cozah ih ruaih mi Media pawl cun mini August 1 ah  an puang a si.

Tuna Snr Gen Minn Aung Hlain-ih kaihhruai Military Council hi thla 6 dang an cozah leh ah cun Feb 1,2023 ah an term an hmang sal a si le, Military Council cun nakum february ih sin July thla sung rori ah Myanmar General Election a buatsaih ngei ngei a tul ding a si.

Hitihlai ah hin, Malaysia Prime Minister leh ASEAN ram thenkhatte cun Military Council in hril awk nak a tuah ding mi hi  ziang vekresult khal suak sela an pawn lo ding thu an rak sim ve a si, kan rak thlir phawt kecu.

 

Author: admin

Leave a Reply

Your email address will not be published. Required fields are marked *