Ralhrang Uico Pawl In Thla 6 Sung Inmargency A puang

Uico ho Military council hian thla 6 dang atan an rorel theihna hun pawt sei turin National Defense and Security Council (Kallon) koh tumin hma a la mek a ni.

Military council term hi kum 2022 July thla tawp khan a tawp ve ta a, dan ang chuan thla 6 dang hun pawhsei leh a ngai a ni.

Hei hian military council ten inthlanpui an buatsaih nana an hmalakna a ni a, inthlanpui nei thei tur chuan ram chhungah buaina ching fel phawt loh chuan inthlanpui neih a khirh hle ang.

Sipai ten an duhthal a an ziah 2008 constitution-ah chuan ram inrelbawlna chelh thei turin kumkhat term phalsak an ni a, thla 6 dang vawi 2 an pawt sei thei tiin a in ziah avangin kum 2 chhung lal hrawt theihna hun an nei a ni.

Thla 6 dang emergency term an pawhsei leh chuan February 2023 hi Military Council sipai ten kumhnih pumhlum ro an rel hun chhung an term an hmang dawn a ni.

Kum 2023 ah chuan inthlanpui buatsaih tur a nih thu hi an lo ruahman sa diam tawh a, Sr Gen Min Aung Hlainga duhthusam thin Myanmar President dinhmuna inhlankai chu a tum ber a ni.

Military leader General Min Aung Hlainga Russia ram a zin tuma biangbiakna an neih khan Defence Force leader dinhmun atangin Myanmar president nih hi a thil tum a ni tiin a lo sawi tawh bawk.

 

Author: admin

Leave a Reply

Your email address will not be published.