Kalaymyo, Pyidawtha khua Baptist Church ah ralhrang 150 hrawng umhmun an va khuar

Kalaymyo, Pyidawtha khua Baptist Church ah ralhrang 150 hrawng umhmun an va khuar, July 28, 2022 zanlam nazi 4:00 hrawngah ralhrang pawl cu Pyidawtha khua ah an lut ih biakinn ah an riak.

Biakinn kiangkap ih um mipi pawl cu sungkhat inn ah an va riak, khuasung mipi pawl cu khua ihsin an tlansuak lo. Tualsung mi pakhat in, “Rawlsuannak bel le hnapphek sum tiang an kengtel ih an um rei ding a bang” a ti.

April 13, 2022 ah mipi ralkap tangtlang le ralhrang pawl cu Pyidawtha khua le a kiangkap hrawngah an kapaw ciamco, an doawknak ah Pyidawtha khuami sayama pakhat a thi ih a pasal in hliamhma a tuar. An doawknak ah PDF-Kalay ralkap (4) ih nunnak a liam ih (6) in hliamhma an tuar.

April 15, 2022 sun nazi 12:00 ah Pyidawtha Churches Ministers Fellowship in meeting an nei ih Rev. le kawhhran upa 14 an poksuak thei, an meeting-nak ah thil thupi zetzet (9) an rel. Cumi lakah ‘Pyidawtha khua hi doawknak tualrawn ih hmang nawn lo ding, Pyidawtha khua ah raltho lo ding, Pyidawtha lamzinpi cu zokhalin kham lo ding tin zangfah dilnak an nei.

 

Author: admin

Leave a Reply

Your email address will not be published. Required fields are marked *