Yangon In Sawng Sang Ih Sin Dawp Thla Mi 5 Te Umnak Hmun Uico Ralkap Pawl Hnen h imtu Dalan An Kap That

Nikum 2021, August 10 ah ralhrang pawlin Yangon, ahmat (44) lamzin ih um building pakhat an lutcilh. Dothlennak ih tel mino (5) cu ralhrang kutsung ih um aiin inndot par ihsin an dawt ih a hmun ah pahnih an thi cih.

Pathum cu thi zikte in hliamhma nasa zet an tuar ih ralhrang pawlin an vel ciamco, meithal in an sawh ih an sit. Naupai lai Ma Po Neng Neng khal dimnak nei loin an vuak. Hliamtuar pathum ih thuhla cu theih bet a si nawn lo.

Himi inndot sungah dothlennak ih tel mino pawl an um tin ralhrang hnenih simtu cu Botahtaung, khua lal U Than Win a si. Mipi ralkap pawlin an hringhro ruangah hmun dangah a relh. Kumkhat hnuah an inn ah a tlungsal ih July 28, 2022 sun nazi 12:00 hrawngah tualsung mipi ralkap tangtlang Inya Urban Force pawlin an va kap that, meithal in veithum an kap ih a hmun ah a thi cih.

Mipi ralkap in, “Khuasung laifang ih um a si ruangah timtuahnak nasa zet kan nei, palik sakhan kiangih um an si. An kiangkap khalah ralkap pawl an duty ringring, asinan kan ral pawl cu khuitawk hmun ih an um asikhallen thianfai theinak thazang kan nei.

Kan ralkap pawl khal kan cangvaih hlanah thuhla thehdarh lo dingin ka forhfial duh, U Than Win khal kan thianfai hngal thei ding nan online parah hringhronak an rak tar ruangah hmun dangah a relh hlo. Ara tlungsal hnuah kan thianfai, khuasung ih kan cangvaihnak cu a thupten rang zet ih kan cangvaih a ṭul” a ti.

Midang ralhrang lamtang dalan, khua lal pawl khal ralhrang lamtang nawn lo ding, khua lal ihsin suak lohli dingin ralrinnak a pe ih ‘nan suak lo asilen nangmah le nangmah nan that aw tin ruah aw uh’ a ti.

Author: admin

Leave a Reply

Your email address will not be published.