UN Security Council In Democracy Activist Mi 4 Tihhlumna Chu Thunchhuahah Siamin Dem A Ni A demtu ram 15 zingah China leh Russia pawh an tel a ni.Thluakthawl inti politician ten politics hamthatna sawi-ah lo ngai suh u.

Burma sipai ten pro-democracy activists mi 4 chu dan lova an tihhlum chungchang-ah China leh Russia telin UN security counil member ram 15 ten nasa taka an dem thu thuchhuah siamin an tarlang a ni.

Myanmar military council chu mihring dikna chanvo human rights , rule of law zahsak turin leh mipui pawisawi lote chunga tharum thawhna bansan thuai turin UN Security Council thuchhuah-ah an tarlang tel bawk a ni.

ASEAN ram ten Burma sipai sorkarin thi tura an chungthu a relsak hi ngaihtuah nawn leh tura an ngen mawlh mawlh lai a, an thil tih tum an kaltlang pui ta mai hi an hrethiam lo hle a ni an ti bawk.

UN Security council thuchhuah hi Myanmar ram thenawm sipai firfiakte thian hlun China pawhin tha an tiin an tawm pui tih hriat a ni.

Military council ten thuneihna an pawnglak hnu in Myanmar ram pumah dodalna a rawn chhuak a,remna leh muanna nei thei tur leh Democracy lamtluang zawh leh thei tur a khawvel pumpui aiawh a ASEAN ram ten hma an lak laiin Min Aung Hlainga hruai Sipai council sorkarin remna thutiam 5 hlenchhuak tura hma la lova an tukhum an chhawn tlat hi a pawi hle a ni.

UN palai( special envoy to Myanmar) Ms. Nolin Hazar-i chuan mi 4 tihhlumna hi sipai sorkar in mimal zalenna leh dikna chanvo hi zahsak lova chetna a ni a ti.

UN Palai pawimawhna chu UN Security Council chuan tarlang in ASEAN PAalai Cambodian Foreign Minister nen thawhhona thatak neithei turin a duhsak thu a ziak bawk a ni.

 

Author: admin

Leave a Reply

Your email address will not be published. Required fields are marked *