Myanmar leh India Insumdawn Tawnna Tur Kaladan Kawngpui in Harsatna Tawk

Burma sipai sorkar tlawn lungawi tum char char thin India sorkar laipui chuan tunhnai-ah eng nge a hriat thar kan chiang bik lova, India leh Burma ram tana tangkai em em tur Kaladan multi-modal transit project road   (KMMTTP) chu Burma ram chhung Arakan State chhunga kalpui mek kawngsial hna thawktu Joint Venture Contactor pahnih C & C Construction Co .Ltd leh Engineer Projects India Ltd chu an hna a chawlh tir a ni.

Hetianga India sorkar thutlukna hi Ministry of External Affairs in la nemnghet chiah lo mahse Arakan State chhunga Arakan Army ten ramchhung buaina-ah ralthuam kengin Military Council sorkar nen an in hmachhawn leh tak vang a ni thei a ni.

Chin State Paletwa lawngchawlhna hmun atangin India ram chhung Mizoram chhim lama Zorinpui khua thlenga Km 109 vel sei kawngpui thar chu zawh fel thawkhat a ni tawh a, he kawng zawhfel nan consultancy work hi Ircon Infrastructure & Services chuan hma a la mek bawk.

Burma ram chhunga kawngsial hna bakah kaladan luiin Tuifinriat a finna khua Sittwe-ah lawngchawlhna siam hna te,Chin State chhunga Paletwa khuaa lawngchawlhna siam hna te bakah kaladan lui lawng kal thei tura a thuk zawng laih leh luikuang zauhna hna pawh an zo thawkhat tawh a,chutia zawh dawn a ruai a an hna kal lai a tih tawp sak hi vai phakar ho hian a chhan tha tak an neih ngei kan ring a ni.

Tin, Aizawla awm (CEP) Centre for Environment Protestion chuan National Green Tribunal (NGT) hnenah environment humhalh kawngah hma la in a hek a, India Central sorkar leh Mizoram sorkar chu an thiam thu sawi a, insawifiah turin thupek khauh tak a pe a ni.

Eng pawh nise politis lam hawi a a hlawkna thlir ran India sorkar chuan khawvel ram hrang hrang ten politis vanga Burma sipai ten an khaihlum tak chhungchangah thawm nei a an au chhuah pui laiin a ngawi chipchiap hmak a, Kaladan kawngpui pawh hlawkna hmu mai dawn a a la hriat loh huan chhuanlam siam in a chawl rih dawn in a lang e

 

Author: admin

Leave a Reply

Your email address will not be published. Required fields are marked *