Military Council-te, A Hrampi Chawpin Kan Kar Phawng Ding, Tiin Chin Revolution Ten Thu An Suah

Revolution unaute U Phyo Zeya Thaw, U Jimmy, U Hla Myo Aung, leh U Aung Thurah Zaw te, Military Council ten an tihhlum chungchangah Chinland Joint Defence Committee te, an lung a awi lo hle a. Military Council-te hi a zung chawpin kan kar phawng dawn tiin thu an chhuah.

Chinland Joint Defence Committee te hi Chin State-a Township leh hmun hrang hranga Chin mipuite humhimtu, pawl 18 te insuihkhawm a ni a, International dan leh hrai hmanga din an nih thu an sawi.

He pawl hi Military Council ten sorkarna an lak hnu khan din a ni a, Chin State-ah hian inkahna (War Crime) leh insuatna (Crime Against Humanity) tum tam tak a thlen thu an thuchhuahah an tar lang.

NUG sorkar hian Myanmar, Democracy hruaitute U Kyaw Min Yu (U Jimmy ), U Phyo Zeya Thaw, , U Hla Myo Aung, leh U Aung Thurah Zaw te pali, Military Council ten an tihhlum hnu hian ram hruaitute leh Democracy active member te nunna pawh a hlauhthawnawm avangin emergency meeting pawh neih a nih tawh.

Heng bakah hian mipuite man a, sawisa a, Democracy active member te, dan lova an thahna chungchangah Military Council-te puipa Min Aung Hlain leh a pawl te, an phu tawka hremna nasa tak hma lak a nih dawn thu NUG-in a sawi.

July 25-a Military Council ten a tihhlum tak te, thu an chhuah hnu khan US, British, Europe, UN leh ram hrang hrang ten an dem nasa hle a, Myanmar Military Council te chungah demna thu an chhuah a. Ram hrang hrang ten an demna thu hi Military Council ten an la chhang rih lo.

Military Council ten Khaw hrang hrang an Bomb reng a, pawi sawi lo mipui an man chhunzawm zel a. Thi tura an chungthu rel, mi 100 te pawh hi an puitlin mai ang tih a hlauhthawn thu Myanmar Human Right, UN palai Tom Andrews chuan a sawi.

Myanmar ram chhungah dan lova sorkarna an pawng lak avangin Military Council ten pawi sawi lo mipui 2123 an that tawh a, mi 14883 an man tawh thu Political Prison (AAPP) chuan a tar lang. Heng bakah hian Military Council ten thi tura an chungthu rel, mi 117 an awm thu AAPP thuchhuah atangin a hriat theih bawk.

 

Author: admin

Leave a Reply

Your email address will not be published. Required fields are marked *