Vanlalsailova ih anka Burma Kan Unau Nih Rittheihsi/Drugs An Luhpi Mi Hi Mizoram Lamin Fialtu/Dealer/Agents An Um Ruangah Asi- Vedeo 

Vanlalsailova nih a simmi hi tha tein ngai hman uh, a hman tuk mi a si. Cu mi cu ziang ruangah a si ti ah cun tulai Mizoram khua hmun tampi ah Burma mi  Mizoramraltlan ih um mi pawl dawi tlung thluh dingin an au kiau rero mi thu thawn pehparin hi tin a sim.

Vanlalsailova cun, Burma ram uknak athatlo ruangah kawl ralkap pawl nih an that ih an in le lo tiangin an ur kang ih. nun himnak hawlin Mizoram ah an rak tlan ih. culai ah mi pahnihkhat nih rem cang nak hawlin sivai rittheihsi /drugs an luh pi ih. Cubantuk minung pumpak thil tuahmi ruangah Burma mi kan duh nawn lo tiin kan au ih Social Media ah tlangzarh ciamco hi kan thil tha a si lo. video zohnak lin

Burma kan unau mi pahnih khat nih thil tha lo an tuahmi ruangah a miphun pi parah thin heng ding le dem ding a si lo. Ataktak ahcun kan thisen zawmpi kan unau an si. Kan duhdawt ding mi hrimhrim an si. Kawl ralkap pawl nih duhdawt nak le zahngaihnak nei lo in an hmuhsuam hnu ah, kan ni an unau Mizoram mi nih rak dawn ding cu a cang thei lo mi thil a si,

Burma ih sin Rittheihsi a phurtu pawl hi tha tein ruah ahcun, Mizoram lamin an cahmi  asi, anmah ruahnak men in Mizoram ah thil thalo an luhpi mi asi lo, rittheihsi/Drugs a cahtu agents/ a fialtu an um i thil pakhat a um tikah anmah Mizo mi cu an thup aw i, Burma mi par ah sual nak thin tha lo nak ah an hmang mi a si.

Cu ruangah Burma ho kan duh nawn lo tiih au ciamco hi adik lo, a hrampi kha ka zoh a tul. Mizo mi nih an cah ruangah Mizoram ah an rak luhpi mi asi tiah Vanlalsailo cun a sim.

Vanlalsailova nih Burma kan unau pawl hitluk ih can sia lai tak ah miphun le ram dawtnak lungput nak neiin rittheihsi/drugs hi Mizoram ah luhpi hram hlah uh tiah a sim. Social Media lam ah thil tha lo buainak suak thei mi, unau kan sinak a a hlo thei mi tawngkam zo khal in hmang lo dingin leh thu post lo dingin Pathian hmin in ka lo sawm a si tiin a cah.

 

Author: admin

Leave a Reply

Your email address will not be published. Required fields are marked *