Malayaia Banting khua ih hnaṭuan Chin tlangval Salai Vaal Kap Cung kum 25 mi Chin State, Hakha peng, Lunghnam khuami cu tiva ah a tlak that

Malaysia, Banting khua ih hnaṭuan Chin tlangval cu July 20, 2022 ah an hnaṭuannak kiang tiva ah a fen that.

Kum 25 mi Salai Vaal Kap Cung hi Chin State, Hakha peng, Lunghnam khuami a si. A ruak cu an hawl rero hnuah an hmu ih siizung ah an phur. A innsang pawl ih dilnak vekin a ruak cu Kawlram ah tlunpi dingin an tawlrel.

Malaysia ram ih um mibawmtu pawlkom le Chin pawlkom C.R.C le a innsang pawl thawn July 25, 2022 sunah Persiaran Kajang ah thlacam khawmnak an nei ih Kawlram ah an phur. July 27, 2022 zinglam nazi 11:15 ah Yangon Mingaladon Airport an thleng ding.

Tipi hnuaiah thil danglam mak zet an hum i Professor Sam Purkis in, “Hitawk hmun ah ngate, ramnung zianghman an lut thei lo. ramnung phunphun an tlangleng ih hmundang ih ngate le ramnung thawn an bangaw lo ih an danglam cuang a ti.

The University of Miami pawlin cet motor te hmangin tipi hnuailam ah zingzoinak an tuah ih hmun ṭihnung um zet an hmusuak. Egypt khua kiangih um tipi sen (Red Sea) zialphah ah thihnak hmun pakhat an hmusuak, tipi sen cu Moses le Israel mipi pawlin an rak tan zo.

Tipi sen zialphah hmun ṭihnung zet ahhin ngate, ramnung zianghman an um thei lo. Himi sungih an va lut veten an cang thei nawn lo ih an thi cih, a taksa khal a siat thei lo. Hitawk hmun ah cangai thi an hmu ih a thihnak hi kum 8 a rei zo nan a siat cuang lo.

Zingzoitu Professor Sam Purkis in, “Hitawk hmun ah ngate, ramnung zianghman an lut thei lo. Oxygen zianghman aum lo, hitawk hmun ah ciihlawmpi aum ih a ṭihnung tuk. A al dan khal a mak tuk” a ti.

Tipi sen sung ahhin ngate, ramnung phunphun an tlangleng ih hmundang ih ngate le ramnung thawn an bangaw lo ih an danglam cuang. Ciihlawmpi umnak hmun cu nga pawlin an rawl hawlnak ah an hmang ṭheu, nga vanduai pawl cu ciihlawmpi umnak hmun ah an va lut ngah ih an thi. An ruak fen cu nga dang pawlin an rak ei ṭheu.

 

 

Author: admin

Leave a Reply

Your email address will not be published.