China cun mi ram buainak le an ram hruai awk dan cungcangah kan rawlh aw ve lo a ti thuphan a sim na ti ve lo maw

United States chuan military council sorkar in an tihhlum tak democray ativist Ko Jimmy-a, Ko Zeya Thaw-a, Ko Hla Myo Aung-a, leh Ko Aung Thu Zaw- te 4 an khaihlum hnuah China sorkar chu Burma sipai sorkar fuihpawrhtu tih hre ran in remna leh muana an neih thuai theih nan nasa taka hma la a nawr turin a ti.

US State spokesman, an ram sorkar chungchanga thupuangtu ber Pu Ned Price-a chuan China hian ram dangte aiin Myanmar Military sorkar chu a thunun theih zawk fe ang a ti.America ram chuan ram hrang hrangte chu Myanmar buaina chingfel pui turin a sawm a, US pawhin theih tawp a chhuah mek a ti bawk.

China ve thung chuan ” keini chu ramdang-te ram chhung buaina-ah kan in rawlh ve ngai lo “tiin thawk pawh la miah loin a lo chhang hmiah thung.A takah chuan China tluka Burma ram tualchhung buaina leh ram inrelbawlna lamah inrawlh hi an awm lo va ,ASEAN pawl pawh chu thunun in nasa takin a inrawlh a, Military Council sorkar thlawp tlattu a ni a ,CJC chungchangah pawh China judge chauh in Burma sipai sorkar tanzawngin vote a thlak tih kan hriat vek kha a ni.

China sorkar thupuangtu Mr. Kyaukli Cheang-a chuan Myanmar rambuai chungchang chingfel tur chuan an danpui 2008 Constitution hmanga chinfel a ngai a ni a ti talh a ni.He dan hi sipai firfiak te ngeiin bawhchhia in mipui sorkar lakah thuneihna an pawnglak tawh avangin Ethnic hnam hrang hrangin Myanmar Constitution 2008 a awm tawh lo an ti a, CRPH chuan he dan hi thiah a ni tawh tiin nikum 2021 khan an puang daih tawh a ni.

July ni 26 khan ,Malaysian sorkar pawhin Myanmar pro-democracy activists mi 4 a tih hlum chungchangah Military Council sorkar chu nasa takin an dem a, hei hian mihringte dikna chanvo bawhchhiatna leh ASEAN ram ten Myanmar remna chungchanga an hmalakna-ah Sipai sorkar pawikhawihna leh dan bawhcchiatna rapthlak tak a ni a ti.

Malaysian Foreign Minister Saifudin Abdullah chuan ASEAN Special Representative pawh Burma ram a rawn zin hawna kar 2 pawh a la tling tha lova, hetia sipai lal Min Aung Hlainga ten tual an that ta mai hi remna kawngzawnna thuthlung 5 (5 ASEAN Common Agreements) chu Burma Military Council sorkar in a palzut hle a ni a ti bawk.

Malaysian minister chuan sawi belh lehin Myanmar’s military council sorkar palai hi international minister level meeting reng rengah telh tawh loh tur a ni tiin thinrim awrphiar meuh in a sawi a ni.

Cambodian ram in chairman of ASEAN hna a chelh lai a ni a,Miliyary council thil tih dan chu kan pawm zam thei lo a ti.

Tin, European Union, Australia ,Canada, Japan ,New Zealand ,Norway ,S.Korea, UK leh US te chuan Burma sipai sorkar in Rule of Law mausamna an kalpuizia pholangtu a ni tiin thuchhuah intawm joint statement an ti chhuak bawk.

 

Author: admin

Leave a Reply

Your email address will not be published.