SAC Ralkap Nih Myaing Peng Kyauk Kan Khuami Pakhat An Thah!

SAC Ralkap Nih Myaing Peng Kyauk Kan Khuami Pakhat An Thah I, Inn 100 Leng An Khangh!: Magwe ramṭhen Myaing peng chaklei Kyauk Kan(ကျောက်ကန်) khua ah SAC ralkap nih tualchung mi pakhat an thah i, inn 100 leng an khangh tiah tualchung thawnglatu nih an thanh.

Kyauk Kan khua hi July 23 ahkhan an khangh i, mawṭaw, cycle, cawleng le thil mansung dang vialte a kaang chih dih, tiah PDF-Myaing nih an thanh. Khuami pakhat zong an thah i a ruak cu an khangh, tiah theihternak an tuah fawn.

Kyauk Kan khua lengah Thitinpyin(သီတင်းပင်) le Bantbu(ဘန့်ဘိုး) khua zong an luhhnawh i, thilri le innlo an hrawh tiah theih a si.

SAC ralkap ṭih in khua 7 mizapi cu an zaam hna, tiah, theih a si. July 24 zong ahkhan Damah Tharah(ဓမ္မသာရ) khua inn 80 tluk cu an khangh. July 23 chunhnu Sml 2:30 hrawng ah khan Kyauk Kan khua innlo a khangtu SAC ralkap hna cu Black Leopard Guerillas Force nih an kah hna, tiah theih a si.

Credit: The Chin Post

Author: admin

Leave a Reply

Your email address will not be published.