Myanmar ramah Ni khat sungah Covid-19 natnak kai thar mi 16 hmu 

Myanmar ram chhungah darkar 24 chhungin Covid-19 natna kai thar mi 16 an awm belh thu firfiak sipai hnuai health ministry department chuan July ni 21 tlai lamah a puang chhuak a.

Darkar 24 chhunga laboratory lam atanga enfiahnaah test mi 6379 zingah 0.25% hmuh chhuah a ni a. Mahse Covid-19 avanga thi an awm belh loh avangin, record hnuhnung ber record chu19434 chu a la reng.

Myanmar ramah tun thlengin Covid-19 hri kai chu mi 613855 an awm tawh a, dam chhuak 592754 an awm tawh bawk a. Mahse, sipaiin thuneihna lak a nih hnuah damdawi in, clinic leh hmun hrang hranga test leh record neihte chu a danglam chho viau a, a taka thleng nen a inthlau viau mai thei a.

Khawvel ram puma Covid-19 natna kaichhawng zat chu mi 613,887 awm tawhin, dam chhuak 592,774 an awm bawk a ni.

Myanmar ramah chuan Covid-19 invenna la tawh maktaduai 29 an awm tawh thu military council hnuaia heald ministry chuan a puang a. Kum 2021 kum tawp lamah Myanmar mipui zaa 50 chuang chu Covid-19 vaccine chiu vek theih an nih tur thu military council hruaitu chuan a lo sawi tawh a. Mahse, military council pek vaccine chu ring lo tam tak an awm avangin, vaccine la chu an la tlem hle a ni.

South East Asia ram lamah Covid-19 zaa 20% vela a rawn hluar leh hnuah thi zat chu zaa 16% vel thlenga a san chho thu hriat a nih rualin, Covid mutation B.A.5 leh B.A.4 a tam thu hriat a ni.

Chuvangin, NUG sorkar chuan mipuite chu Covid-19 invenna vaccine mai bakah natna lak atanga invent theihna kawng awm hrang hrangte zawm theuh turin a fuih reng bawk a ni.

Author: admin

Leave a Reply

Your email address will not be published. Required fields are marked *