Chin ralkap pawlkom CJDC Special Force training ṭumkhatnak cu July 19 ah an ṭheh suak thei a si tiah thuthang kan ngah.

Thlakhat sung raldo zirnak ah mipum 100 luan an tel ih, a thu zawngin ni 15 zirhawknak a um hnu ah ni 15 sung cu atakin cangvaihnak an nei tiah theih a si.

Special Force training ṭhehsuak pawl cu hmun 2 in ṭhen an si ih, a ṭul caan ah raldonak ah tel thei dingin ralringter cia an si. Tuṭum raldo zirnak ah a tel thei lomi CJDC sungtel khal an um ih, cumi sung in ṭumhnihnak raldo zirnak ah a tel leh ding an um” tiah CJDC ṭuanvonei mipakhat in a rel.

Special Force training kaitu Chin ralkap ṭhenkhat cu tuṭum Falam-Hakha zinpi doawknak ah an tel ve ih, cumi sungin CDF-Matupi ralkap pakhat in ram le miphun hrang nunnak an hlan.

Chin ralkap komkhawmpi Chinland Joint Defense Committee ah ralkapbu/pawlkom 18 an tel a si.

 

Author: admin

Leave a Reply

Your email address will not be published.