SeikPhyo peng chungah rallam sial mi SAC ralkap cu tualchung mizapi vengtu ralkap phu hna nih an kah hna!

Magwe ramțhen, SeikPhyo peng chungah rallam sial mi SAC ralkap cu tualchung mizapi vengtu ralkap phu hna i bawm in kan kah hna tiah KyaukPanDaung – KDF nih Cathanh an chuah,KDF, Brigade 712, PPC le Yenaan Chaung PDF hna i bawm in SAC ralkap hna rallam cu July 13 ah bomb in kan doh hna tiah an langhter.

SeikPhyo peng, SiaHla khuakomh, Paing khua, WanGyi khua, SiaHla khua hna ah SAC ralkap hna nih rallam 3 in an rak luh caah Paing khua le Wangyi khua hna ah kaphnih kahdohnak chuak tiah an langhter,WanGyi khua ah mizapi vengtu ralkap phufonh nih hmun 5 ah lamh mi bomb, dawh mi bomb le bomb ngan lung 13 in kan puahhnawh hna i SAC ralkap 19 an thi.

Thil sining a ngiatu kan ralkap hna nih an chimnak ah cun SAC ralkap 19 an thi i 30 leng hliam an tuar tiah an thanh.,SAC ralkap hna nih cun Sia Hla khua le WanGyi khua nitlaklei ah a um mi ralzaam buk(deu) le a thilri pawl an khangh piak hna tiah an langhter.

Credit: The Chin Post

Author: admin

Leave a Reply

Your email address will not be published. Required fields are marked *