Thantlang khua din thar leh ding thu simtu military council bumnak lakah fimkhur dingin ICNCC-in thusuah a tuah

Thuneihnak latu military council ralkap pawlin a khaw pum deuh thawin an ur siat Chin state, Thantlang khua din that leh tumih simtu military council bumnak  lak ih sin fimkhur dingin Interim Chin National Consultative Council (ICNCC) cun a sim a si.

Ralkap thuneihnak hlawn ih, Federal democracy tun din, politics-ih tluktlannak leh mahten rorel theihnak Chin state din tum ih do awknak  mual ih kan um lai ah Thantlang khua tuah that leh tumnak tiih, thupi hmangin military council pawl ih bumnak cu  June ni 3-ah ICNCC cun thusuah nak a nei.

Military council ruat Chin state cozah kaihhruainakin Thantlang khua din thar lehnak leh sak that lehnak cungcang reltlannak meeting cu June ni 30-ah Hakha khuapiah neih a si.

Hi meeting-ah hin military council ruat Chin state Chief Minister U Ngun San Aung, North-West Command Headquarters Deputy regional commander Major General Myo Thut Hlai, Thantlang township-ih Pastor Dr. Ral Uk, khawtlang upa Pu Ngun Ngun Ram, Pu Ram Khar leh Pu Lawm Bik te telin Thantlang khaw din that lehna cungcang reltlang nak an nei.

ICNCC thusuah mi ah cun, “Thantlang khua din that lehnak leh sak that lehnakah cun Transitional Justice a tel teng teng a tul ih, anmah dodaltu mipi pawl cu force tam sawn an do lai ah cun   thil theih a ni lo,” tiin a tarlang a si.

Cubakah Thantlang khua din thatnak leh sak that lehnak thuhlaah tualsung mipi hruaitute leh, Mipi kilhimtu pawl telin, ram sung leh ramleng ih um  Thantlang khaw mite, township sung ih um mi hmuah hmuah tel ih tuan tlang ding a si thu ICNNC cun a tarlang bawk a si.

Tuah cun Thantlang khua sungah, military council ralkap pawl leh tualsung mipi kilhimtu pawl hmunkhuarin, ziang tik lai khalah kap aw thei ring ring dinhmunah an um ih, cu ruangah mipi lamin Thantlang khaw sung ah lut ih, um sal tumnak ti mi cu  thil si thei lo leh himnak um lo a si nak thei fiang dingin ICNNC cun theih ternak a nei.

Cuvek tho thoin CDF-Thantlang ralkap khalin Military council-in Thantlang khua din thar leh sak thatnak cungcangah hmalaknak zaten an pawm lo thu July ni 2-ah an puang suak.

Thantlang khaw sung ih hmunkhuar military council ralkap pawl nuai cimit ih an nun a himtawk ih an um lo ah cun Thantlang khaw chhungah lutih um leh tuah that leh hna tuan a si lo ding thu CDF-Thantlang cun thusuah a tuah a si.

Umnak in 2000 aiih tam umnak leh mipi thawng 10000 tha umnak Thantlang khua cu military council pawlin kum 2021 September thla ih sin 2022 June thleng, a mal bikah vawi 35 a ur zo ih, biak in 12 telin umnak in 1500 hrawng a kang siat thluh zo ih. Thantlang khaw mi zaten ramri leh Mizoram state lamah an raltlan rero lai a si

 

Author: admin

Leave a Reply

Your email address will not be published.