Middle school cachim tu saya mah pahnih cu SAC Ralhrang nih an tleih hna!

Thicheih Peng Ah Cachimtu Nu 2 Tlaih An Tong!: Sagaing ramṭhen, Kata pengkomh, Thicheih peng Hlehme khua middle school cachimtu nu 2 cu July 3 ah tlaih an tong, tiah siangngakchia nulepa hna sin in theih a si.

Tlaih a tong mi cachimtu 2 cu Daw San San Ma le Daw Aye Aye Hlaing an si tiah theih a si, Cu kong he pehtlai in Thicheih peng khuabawi zung he naihniam in a um mi pakhat nih, “Hlehme khua middle school i cachimtu nu 2 tlaih an tong, cachimtu hna cu NUG nih a chuah mi curriculum ning in cachimtu an si i, SAC nih biaceihnak an ngeih hna lai,” tiah a chim.

Siangngakchia nulepa hna zong nih, “Sianginn ṭha tein an kan hunpiak kho ti lo i, ngakchia hna cu an kum nih a kalpi hna hlan ah ca an cawn khawh a biapi tuk, sianginn a kan hunpiak lio zong ah kan rak kaiter hna i atu zong hi cachimtu an um caah kan kaiter mi hna a si,” tiah an chim.

Credit: The Chin Post

Author: admin

Leave a Reply

Your email address will not be published.