KANI peng chung ah NUG cozah lam hruai nak in Mi-dat meiphalh Tin-tan(Training) on nak an tuah!

Si-kan-taan Kani peng chung ah NUG cozah hruai nak in Meiphalh Training voi (1) kai nak cu April thla ah khan an rak on i hmai lei zong an peh tlai te in kan tuah la ti ah thawng kan theih,mah Meithat training cu CDM meithat pawl nih an chimh hna i vo 1 nak training kai mi hna cu Kani peng chung um Ce-Ee 27 khua in khua chung mi hna minung 40 a kai ti ah tual chung hna sin in thawng kan theih.

Training kai mi pawl hna cu meithah ning phung lm tha te in can piak nak an ngei hna i, hi hnu zong ah NUG hruai nak in training zong peh tlai te in tuah le, Voi (2) nak zong Ral komg si ning zoh in kan on than lai ti ah CDM meithat minung pakhat sin in thawng kan theih.

Source: Khit Thit Media

Relchak: Myaung Peng Ah PDF Nih SAC Ralkap 4 An Thah Hna, Wetlet Peng Ah PDF 11 An Thi!: Nihin July 3 zinglei 11:30 ah Sagaing ramṭhen, Myaung peng Netyekaan le Yeposa khua karlak ah bomb zohfelnak ngei ding in a kal mi SAC ralkap hna cu bomb kuan in kah an si i ralkap 4 an thi i 3 hliam an tuar tiah Bo Nayto nih a chim.

 

Cubantuk in, nihin July 3 zinglei ṭhiam ah Sagaing ramthen, Wetlet peng Myinywa a khangtu SAC ralkap 130 leng cu Tawgyi Myoipuai phu le PDF phufonh hna nih an kahdoh hna nain hriamthil an i thlau tuk ruangah PDF 11 an nunnak a liam i, SAC ralkap 2 an thi ve, tiah Tawgyi Myoipuai phu in rianngeitu pakhat nih a chim.

“Hi kahdohnak ah hin a thi le hliam tuar kan tam ngai i, kan rel khawh tawk hna ah minung 11 an thi, hliam tuar zong an tam ngai. Kahdohnak cu minutes 40 fai a rau i, Kanmah lei nih kan thok hmasa mi a si Minung thazaang zong kan tam i kan ral zong ṭha ko nain kan hriamthil aa thlau tuk caah nunnak tam tuk a liam. SAC ralkap lei in 2 an thi ve,” tiah a Tualchung hriamtlai phu in rianngeitu nih cun a chim.

Wetlet peng ah Automatic meithal 100 hmanh a um lo buin SAC ralkap doh an si tawn caah tualchung ralkap lei in nunnak a petu an tam ngai cang. A rannak in meithal tampi le bomb kan herh hringhran ko, tiah mipi bawmhnak an hal. SAC ralkap hna nih cun Myinywa le Innginpin khua an khangh i tualchung mi hna cu a himnak hmun ah an zaam, tiah theih a si.

Credit: The Chin post

Author: admin

Leave a Reply

Your email address will not be published.