Australia nih Ukraine ralkap hna hman awk ah Tank tam nawn le Drone bawmhnak a pek lai !

Australia nih Ukraine ralkap hna hman awk ah Tank tam nawn le Drone bawmhnak a pek lai tiah PM Anthony Albanese nih nizaan ah a chim,Australia nih hin armored vehicles timi raltuknak mawtaw 34 cu Ukraine ralkap pawl hman awk ah ttin pek ai tim. Cun Drone zong ai tel lai tiah an langhter chih.

Cu lawng hlah Russia vuanci 16 zong Australia ram lut kho lo ding in an kham hna. Australia nih hin Russia mi a phihkhar mi hna hi 843 an si cang,Tutan ah Australia nih hin ralthuam a bawmh ding mi hi a man in tuak ahcun US dollar 68 million man tluk a si.

Credit: Suimilam Media

Relchap:Rakhine Ram Ah, Ni 4 Chung Ah Bomb Voi 3 A Puak I, Tualchung Mi 2 An Thi!: Rakhine ramkulh SAC ralkap kuttang um battalion umnak pawng ah, ni 4 chung ah bomb voi 3 a puak i, tualchung mi 2 nunnak a liam pinah pakhat faak ngai in hliam a tuar tiah theih a si.

Bomb hi July 1 in 4 chung ah a puak i, nihin July 4 ah Kyaukṭaw peng SAC ralkap battalion umnak pawng ah caw zohkhenhtu pa pakhat nih chunhnu suimilam 1:00 luan hrawng ah bomb aa lamhsual i, faak ngai in hliam a tuar hnu ah a nunnak liam, tiah theih a si,Cun, July 1 ah khan Kyaukṭaw khuachung khah-mah-yiah 375 battalion pawng Leikuang ah caw zohkhenhtu WatHmaikhuami U Tan Sein Mawng cu bomb i lamhsualnak in a ke khatlei a bul i, Siṭṭwe siizung ah a nunnak a rak liam.

Minpia peng AhṭatKhaChiMyaung khuami Ko Mawng Hlah Htun cu Minpia peng SAC ralkap camp hmunkhat pawng ah, rua sam ding in a kal lio ah bomb i lamhsualnak in a ke khatlei a bul caah thlopbul cuahmah lio a si, tiah theih a si. Kum 2022 chung ah Rakhin ramkulh in bomb ruang ah nunnak a liammi le hliamhma tuarmi 20 leng an um cang, tiah REC nih an thanh

Credit: The Chin Post

Author: admin

Leave a Reply

Your email address will not be published.