AA camp ah SAC ralkap nih bomb an thlak caah AA ralkap thi mi an um!

Thailand-Myanmar Ramri Ah SAC Ralkap Vanlawng Nih Bomb An Thlak I, AA Ralkap 3 Nunnak A Liam!: Myanmar-Thailand ramri i Arakan Army (AA) camp pakhat ah SAC ralkap nih vanlei in kahdohnak an tuah caah Arakan Army(AA) chungtel 3 nunnak a liam i, hluamhma tuarmi zong an um, sii-inn, seh-zung le inn cheukhat zong an rawk, tiah AA nih an thanh.

July 4, chun suimilam 12:25 ah Myanmar-Thailand ramri pawng Kayin Karen National Liberation Army (KNLA) brigade 5 hmunram chung i Arakan Army(AA) camp pakhat cu SAC ralkap nih raltuknak vanlawng 2 in bomb thlak i, kahdohnak an tuah caah AA ralkap 3 nunnak liam lengah 10 hliam an tuar, tiah AA nih an langhter, Vanlawng 2 cu kahdohnak a dih hnu ah Thailand lei ah an zuang, tiah an thawngthanh ah an langhter chih.

Credit: The Chin Post

Launglon camp pakhat Dalan ruangah SAC ralkap thazaang tam taktak nih an luh hnawh caah PDF nih an camp an zaam tak. Pasalttha 1 hliam tuar mi an tlaih tiah tuni Chiapa 4 ni ah thawng an thanh,Pur 30 ni ah khan SAC ralkap sin thawngpetu Dalan ruangah PDF camp cu an luh hnawh.

Hriamnam siseh, minung thazaang siseh ai thlau tuk ruangah PDF nih an camp an zaam tak. Cu ah cun hliam a tuar mi pakhat an tlaih, cun hriamnam tampi le riahcaw telh in thilri dangdang tampi an sung,”Tlaih a tong mi kan hawi pakhat he kan sungh mi thilri mizapi bawmhnak siseh, thi dengmang in kan i ser mi le khon mi hriamnam vialte caah biatak deih ral ka do rih lai” tiah Launglon PDF ralkap pakhat nih a chim.

Tutan thilcang mi hi meithal ai tlaih lo nain Kaa in a au mi Dalan ruangah a si tihi mizapi nih kan i fiang ko lai dah,Cucaah hi hnu hrimhrim ah Dalan cu ttha tein kan ngiat cang hna lai tiah a chim cha ti ah Suimilam Media nih i pi sin ah thawng thanh nak a tuah.

Credit: Sulmilam Media

Author: admin

Leave a Reply

Your email address will not be published.