Kan Chin Ramkulh chung Paletwa lei cu electric mei a ra ti!

“Chin ramkulh, thlanglei Paletwa khua Rakhine ramkulh ah electric mei a rawhnak zarhkhat a tling cang lai,” tiah Paletwa khua ummi hna sin in theih a si,“A caan caan lawng ah mei an kan pek. Ṭhen hnih ah an ṭhen i zing an kan pek ahcun zanlei ah a mit. A luancia June 26 ni thok in nihin tiang mei a ra ti lo,” tiah Paletwa khua ummi pakhat nih a chim.

“Paletwa ram chung ah electric mei hmuh khawhnak dingah mei seh kan hman i, zan khat ah caan tlawmpal lawng an kan pek,” tiah a chimchap,Cu pinah Datsi le Dissel man an kai tuk. Cawk zuarnak le phorhnak a har tuk. Paletwa hmunram ah khuadang nakin datsi man a kai tuk, tiah tualchung mi hna nih an chim.

“Nizan tiang ah Paletwa ah Datsi Galon 1 ah 30000 a si. Fawi tein cawk khawh a si ti lo. Cu pinah electric mei a rat lonak zarhkhat hrawng a si cang caah Phazawngdan le Solar man zong a kai tuk cang, tiah Paletwa khua ummi pakhat nih a chim.

Credit: The Chin Post

Author: admin

Leave a Reply

Your email address will not be published.