A poi tuk e hum himnak duh ruang ah hmun a kawl mi Ral zaam Camp cu SAC nih vanlawng in Bom a thlak!

Tehbawbu Ralzaam Camp Pawng Ah SAC Nih Vanlawng In Bom An Thlak I Minung 2 An Thi!: Karen ramkulh, Myawady peng Tebawbu ralzaam camp pawng ah SAC nih July 1 zaan Sml 8 ah vanlawng in bomb an thlak i minung 2 an thi. Hliam tuar zong an um i, tiva kam i ummi Thailand mi cheukhat zong an zaam hna, tiah tualchung mi sin in theih a si.

“Atu naite ah khan vanlawng in Thailand ramchung Mulichaing khua lawng dinhnak ah bomb an thlak i Tehbawbu ralzaam camp a khen. Thailand mi zeimawzat cu Phohpharah khuapi ah a zaam hna. Inn a khen caah minung 2 an thi,” tiah cuka lei i a zaam mi Myanmar mi pakhat nih Yangon Khit Thit media ah a chim.

Cobra Colum nih thawng an thanh ning ah SAC vanlawng nih brigade 6 hmunhma Tehbawbu khua ah nihin (July 1) zaan Sml 7:30 ah bomb an thlak, minung 2 an thi i siangngakchia tel in minung 6 hliam an tuar tiah an thanh ve. Atu bantuk in sualnak ngei lo mipi bomb thlakhnawh a si mi hi kan duh lo. SAC lei nih tuanvo an laak awk a si, tiah Cobra Colum nih thawng an thanh.

Credit: The Chin Post

Author: admin

Leave a Reply

Your email address will not be published. Required fields are marked *