Shwebo Ah Hriam Keng Lo PDF 9 Thah An Tong!

PDF chungtel hna cu June 29 chun ah khan Wetlet peng in, Shwebo peng lei panh in Ayadaw peng ah sii-ai thlopbul lei cawng ding in an kal lio ah SAC ralkap nih an tlaih hna i, an thah hna, tiah GZ Special Task Force (Wetlet) in rianngeitu Bo GZ nih a chim.

“Thah a tong mi hna cu hriamthil an i put lo i, sii-ai thlopbul cawng ding in a kal mi an si. Hlathlainak kan ngeih hnu ah lampi a him ko tiin kan thlah mi hna an si. SAC ralkap nih zeitin an tlaih hna cu kan fiang lo. Nizaan ah tlaih an tong ti tiang lawng thawng kan theih khawh i, an hmanthlak kan hmuh hnu lawng ah kanmah lei an si kan hngalh khawh hna,” tiah a chim.

Thah a tong mi nu hna cu kum 14 a si mi Ma Pah Pah Khine, Ma Win Ei Kyaw kum 15, Ma Naing Naing Aung kum 24 le Ma Thit Thit Hlaing an si. Pa ah cun kum 17 a si mi Ko Pho Thong le Ko Bong Kyaw, Kum 21 a si mi Ko Thein Tan U, kum 27 a si mi Ko Aung Kyaw Moe le Ko Pho Nyin hna an si.

Mino hna thah an ton cu chim awk ṭha lo in ka lung a fak tuk hringhran, tiah PDF nu a thi mi hringtu nu pakhat nih lungfaak ngai in a chim. SAC lei nih PDF 9 thihnak kong he pehtlai in an thanh mi a um rih lo.

Credit: The Chin Post

Author: admin

Leave a Reply

Your email address will not be published. Required fields are marked *