Palung Tui’ kahawknak ah a hlo mi CDF-Mindat ralkap 2 ih ruak pawl cu an sar ngah, hremnak tuarmi hma pawl thawn an hmu

2022 June 29, SAC ralhrang le mipi kilhimtu CDF-Mindat ih ‘Palung Tui’ kahawknak ah a hlo mi CDF-Mindat ralkap 2 cu, 2022 June 30, suunhnu ah an sar ngah zo tiah, CDF-Mindat in thusuahnak a nei. An ruak pawl ah nasa zet in an hrem mi hmaneh pawl tla a um tiah theih a si.

Palung Tui’ kahawknak ah SAC ralhrang lam in 4 an thi ii, CDF-Mindat lam in mipi ralkap 3 nih ram le miphun hrang ah an nunnak an pek a si. Palung Tui khua ih hmunhma a lak tu ralhrang pawl nih, mipi thilri pawl le an mataw cycle pawl tla an ur kang sak tiah, CDF-Mindat thuthang lam tuan vo neitu in, The Mindat Post hnen ah a sim. Zuk – CDF- Mindat zuk hlun.

CDF-Mindat le SAC ralhrang kahawknak voi(2) an nei, ralhrang 4 thi, CDF-Mindat ralkap 1 in ramhrang ah a nunnak a pek.

2022 June 29, Zaanlam 2:00 PM hrawng ah, CDF Mindat le SAC ralhrang pawl kahawknak ah ralhrang 1 a thi, ralhrang tampi tla hliamhma an ngah.

Zaanlam 3:00 PM ah an kapawk sal ih ralhrang 3 an thi ii ralhrang tampi hliamhma an ngah. CDF-Mindat lam in hriamhreipi kah a tuar ruangah CDF-Mindat ralkap 1 a nunnak a liam ii adang CDF-Mindat ralkap 1 tla, phang ding si lo mi hliamhma a ngah, tiah CDF-Mindat hnen in thuthang kan ngah.

Magway ramthen, Htilin khua in a rak pok mi SAC ralhrang pawl cu Mindat peng PalungTui khua ah Zaanlam 6:00 PM hrawng ah an thleng ii, cunah ah hmunhma lak in an um.

Mindat peng ah kahawknak a so sang vivo thei dinhmun a si ruang ah, bawmnak tampi kan tul ii, in rak bawm hram hrih ko uh, tiah bawmnak kan lo dil, tiah CDF-Mindat thu thannak lam tuan vo te tu in kahdoawknak thuhla thawn thusuahnak an nei.

 

 

Author: admin

Leave a Reply

Your email address will not be published. Required fields are marked *