NCA min a thumi phu 7 le ASEAN Special Envoy tonnak an ngei lai!

2022 June 30 – Myanmar ram ah a phan cangmi ASEAN Special Envoy le NCA min a thumi EAOs phu 7 cu tonnak an ngei lai. Tonnak ah EAO nih mipi pawl himnak pekding kong le ramkhel biaruahnak ah zapi teltum khawhnak kong pawl ruah a si lai.

 

ASEAN Special Envoy Prak Sokhonn nih Myanmar ram a tlawn a voihnih ah tlangcung hriamtlai phu pawl he July 1 Naypyitaw ah tonnak an ngei lai,Tonnak ah NCA min a thumi EAO phu 7 kha PPST dirhmun in an kai lai i RCSS zong telh chih a si tiah theih a si.

PPST nih a biapi in biaruahding tiah timhtuahnak a ngeihmi cu mipi himnak pekding, ASEAN hnatlak cung ah hmuhning le zapi teltumnak a ummi daihnak biaruahnak kong pawl an si lai tiah theih a si fawn.

NCA min a thumi phu 10 chungah atu phu 7 hi SAC hruaitu nih sawmmi biaruahnak a cohlangmi phu an si,Cu phu 7 hna cu RCSS, NMSP, KNU/KNLA-PC, ALP, DKBA, PNLO le LDU hna an si,SAC hruaitu sawmnak a cohlang lomi EAO phu 8 kha cu ASEAN Special Envoy tonnak ah an i tel lai lo.

Credit: The Chinland Post

Author: admin

Leave a Reply

Your email address will not be published.