Mara hnam umnak khaw 50 luanah primary school awng thei dingin MATC – in ruahmannak a tuah

Chin state sungih um Mara hnam umnak khaw 50 luanah  primary school hawng thei dingin Mara Administrative Territorial Council – MATC) cun ruahmannak tuahin saya/siamah  hrangih training khal theh a si zi tiah theih a si.

Maraland Administrative Council hnuai ih education board kaihhruainakin National Unity Government tlawngta ca zir mi zirh ter thei dingin primary education teacher training cu June ni 13 ih sin ni 24 tiang trainee 100 te trained an si zo thu Maraland Administrative council secretary U Khai Sa cun hiti hin a sim.

Tuih ram sung doawknak kum 2 sungah, nauhak tlawng zirnak lamah  harsatnak a um ruangah, a tak ih zirnak mamawh nauhak pawl leh tlawngta nu leh pate dilnak a nasa tuk ruangah Maraland Administrative Council cun Education Broad cu mawhphurhnak pein, a vawi khat nak training tawi, June ni 13 ih sin ni 14 karlak Teacher training cu kan ruahman ta a si.

Mara hnam pawl cu Chin state Thantlang, Matupi leh Paletwa township, township 3-ah an um darh ih, khaw 64 an luah tiah theih a si,  Tunah cun khaw 7-ah school hawn a si ih, kaw tam sawn khal tuhnu rei loteah hawn thei a si ding thu Maraland Administrative Council cun a sim a si.

tlawng saya / siamah daihawlo nak ret khat thei dingin  University student, phun 10 awng pass zomi pawl cu Teacher Training fehterih tuah cun cawng saya/siamah mamawh zat zaah 70 hrawng cu an um zo a si.

Township 9 umnak Chin state-ah military council-in Hakha, Falam, Tedim, Tonzang leh Paletwa khuaah June thla tir ih sin zirnak in a hawng tan ih, sinan state pumah tlawngta nauhak lut zat cu lut zat cu thawng 10000 luan fang lawng an si ih. Chin state-ah mipi tam sawnin military council hnuai ih zirnak system cu an dodal tlat a si.

Author: admin

Leave a Reply

Your email address will not be published.