Tamu township sungih ralhrang motor thlun aw ih feh mi PDF battalion no.3 in an rak kap ih mi 30 an thi

Sagaing region Tamu township ih ralhrang motor thlun aw ih feh mi cuTamu PDF battalion no. 3-in an kap ih, ralhrang lam mi 30 an thi tiah theih a si.

PDF-Tamu battalion 3-ih hruaitu pakhat cun, “Motor thlun aw cu bomb phumnak hmun an rawn thlen veleh tihpuah a si ih. Bomb puak ngah mi ralhrang motor sungih ruang pawl cu ret that a si ih, hliam tuar mi pawl cu  Weihtok camp-ah emergency-in an enkawl a si,” tiin Mizzima a sim a si.

June ni 27 zing lam nazi 8:56 hrawng ih Tamu ihsin Kalaymyo lam ih feh  force 100 hrawng cuannak ralhrang motor thlun aw cu kah a si ih.

Tamu twonship YanLin leh Weihtok khaw karlakah bomb an rak  tihpuak mi ah ralhrang motor pathum a fuh ih, ralhrang 30 an thiih, hliam tuar an awm  thu leh, ralhrang motor-ah thisen cu hmuh hrehum khawpin a um thu tualsung mi pawl cun an sim.

Cu vek ih bomb-in beih tawng leh dinhmun sia sawn ralhrang pawl cun  WeihTok khua cu meithalpi in an kah thu theih a si. June ni 26-ih Tamu ih sin suak mi operation nei ralhrang pawl cu YanLinphai kiang ih um khuate meithalpi in an hro ruangah in hnuai ih relh mi khaw sung mi pakhat ke cu meithalin kah fuh a si thu theih a si.

YanLinphai khua chu chennak in 140 umnak a si ih, a khaw pum deuh thawin an tlan thluh zo ih, mi malte lawng an tang ih, military council ralhrang pawl cu khuaah an riak ih, vawk pakhat thatin an ei ih, khaw sungih miin cu lutin mi thilri an lak thu tualsung mi pawl hnen ih sin theih a si.

 

Author: admin

Leave a Reply

Your email address will not be published.