Mindat khuachung i ikahnak ruang ah Hngakchia Pakhat le CDF-Mindat Pasal tha Pakhat nih miphun ca ah an nunnak an pek

Mindat Ramkulh chung i CDF-Mindat le SAC Ralhrang cu tuni Jun 29 ah kah dohnak a chuak i CDF-Mindat Pasal tha Pakhat Hriamnam ngan nih khian i hnu an pilnak ah a nunnak a liam tiah CDF-Mindat thawng pe tu hna nih thawng an thanh.

Pasal tha Pakhat zong fak tuk lo in hliam a tuar ti zong a thanh,tuzing Suimilam 10:00 AM hrawng ah SAC Ralhrang nih Mindat 274 Tetyin in ( Madeih) khua ah hriamngan in voi 6 (ruk) an kah ruang ah Hngakchia kum 14 cu pakhat a nunnak a lian, a nunak a liam mi hi SAC Ralhrang i hriamngan kuan nih a khen ruang ah a ke khat lei a rak bul mi hngakchia pa i a upa zong a si.

Mindat Myo in tuni zan lei suimilam 2:00 Pm hrawng ah voi khat, 3:00 Pm ah voi khat an i kap i SAC Ralhrang lei in pali(4) an thi ti ah CDF-Mindat thawngthanh tu hna sin in thawng kan theih.

Source: Zalen

Author: admin

Leave a Reply

Your email address will not be published. Required fields are marked *