Manipur Ramkulh Ah Myanmar Mi Minung 80 Tlaih An Si!

Manipur Ramkulh, Churachanpur Peng Ah Myanmar Mi Minung 80 Tlaih An Si!: India ram, Manipur ramkulh, Churachanpur peng, Lamka khua ah Myanmar mi minung 80 tlaih an si, tiah tualchung media pakhat a si mi Zokam Daily nih June 28 ah a langhter. Churachanpur(ကျာရမ်ကျန်ပူ) palek nih zing Sml 5 in 8:30 tiang innkhat hnu innkhat in an kawl hna i pa 25, nu 35 le ngakchia 20, an dihlak minung 80 an tlaih hna.

 

“Myanmar mi tlaih an ton kong hi bia dik a si. Kei tu cu ka zaam manh. Tlaih a tong mi hna cu zei tin an tuah hna ka thei lo, atu ah cun pehtlaih khawh an si rih lo,” tiah cuka hmun in a zaam mi pakhat nih a chim,Tlaih a tong mi hna cu First Information Report(FIR) he palik zung ah up an si. Siibawi le nurse pawl an auh hna i an ngandamnak zohfel a si hnu ah an herh mi eidin tirawl zong pek an si, tiah theih a si. Cuka hmun cu a luancia kum 10 hrawng in Myanmar mi hna rian an rak ṭuan tawnnak hmun a si.

 

Tlaih a tong mi hna cu an dihlak in a ra lai mi July 15 ah biaceihzung ah an biaceih an si lai, tiah theih a si. Cu ka hmun ah cun Myanmar mi hlawhfa in a ummi minung 500 tluk an um i, tlaih ṭih ah a zaam mi zong an um hna, tiah theih a si,Banmauk Kahdohnak Ah SAC Ralkap 5 An Thi I, A Nung 5 Tlaih An Si!: Sagaing ramṭhen, Banmauk peng ah KIA, PDF phufonh le SAC ralkap kar kahdohnak ah SAC ralkap 5 an thi i, a nung in 5 tlaih an a si pinah hliamthil zong laak a si tiah Banmauk Revolution- BR nih an thanh.

June 28 zaanlei le June 29 zinglei ah Semaw (စီမော်)-Tawnggyi (သောင်ကြီး) pawng ah SAC ralkap hna cu KIA, Kata batallion 2(Banmauk PDF) le tualcung PDF ṭangṭi hna nih an kah hna. An tlaih mi ralkap hna cu ṭha tein zohkhenh an si i anmah pumpak himnak ca ah an hmanthlak cu langhter a si rih lo, tiah an thanh.

Credit: The Chin Post

Author: admin

Leave a Reply

Your email address will not be published.