Debate cungcang ih Rev.Thangliansanga lungawi thu sim nak

Thian duhtakte u, Upa Dr PC Biaksiama nena kan inkawmna chu a lo zo ta a. Zofa mipui tam takin min lo thlirsak a ni tih ka hria a, ka lawm khawp mai. Pu Biaka hi thiamna thilah ka kawm phak loh a ni tih ka hre chiang viau a, chuti chunga rualpui kawma min kawm duh kha a chungah lawmthu ka sawi a ni.

Mi mal takin inhuatna kan nei hauh lo va, kan inhawzui miah lo bawk tih ka sawi duh. Tin, chak zawk leh chak lo zawk sawi turin endiktu awma inhnial kan nih loh avangin a ngaithlatu mipuiin Pathian thua a pawm duh zawk a pawm mai kha a result chu a ni mai.

Kan thil tih kha ṭul ti lo tam tak an awm laiin hlawkpuia lo lawm em em tawkte pawh an tam ve viau bawk a. Kei chuan ka ngaihdanah chuan neutral taka ngaithla duh tan chuan Pathian thu hriat fiahna ṭha tak tur niin ka hre ve tlat.

Kohhran thawhhona a tichhia tihte hi chu thurin avangin kohhran hrang hrangah kan awm tawh tho tho a, thawhhona ṭha tak hi a sawia insawi ṭhatsiak bak hi hu kan pelh ka ring lo. Thawhho pawimawhzia sawitu ngei pawhin anmahni denomination hamṭhatna bak an pel tak tak rih lo a nih hi. Mahni Pathian thurin ṭheuh kan rina kan puan hi India danin min phalsak a, chumi avanga kan ramah harsatna a thlen hi kei ka hre lem lo.

Kan mipuiten Pathian thu dik tak an ngaihthlak a, dik an tih an lo zawm a, an awmna an lo insawn ta a nih pawhin chu chu kan ramin eng nge a chhiat phahna tur ka hmu thiam ve lo, dik a tih a zawm ve a ni mai.

Eng pawh ni se, mipuiten Pathian thu dik tak chiang taka an man fuh theih nan Theologian ten Pathian thu an sawihona tur ang chi hi i huaihawt fo zawk ang u.

Author: admin

Leave a Reply

Your email address will not be published. Required fields are marked *