Kalay Le Inntaw Khua ah SAC Ralkap Le Palik Motor Bomb Puah An Ton Caah SAC Ralkap 20 An Thah Hna

Tam Ngai An I Hliam June 21, 2022 thechinpost TUALCHUNG 0 Sagaing ramṭhen, Kalay peng le Inntaw peng ah rallam a sialmi SAC ralkap le palik motor cu bomb puah an ton caah SAC ralkap 20 an thi, tam ngai hliamhma an pu, PDF nih cathanh an chuah.

Nihin June 21 zing sml 6:55 ah Sagaing ramṭhen, Kalay peng Ṭhuma in Kalay lei a kalmi SAC ralkap 130 leng cu, Kalay-Gangaw lam nichuahlei ah KALAY UGF nih bomb lung 8 in an puahhnawh hna, tiah theih a si.Cu pinah June 21 zing sml 8:00 hrawng ah KALAY UGF nih kan bawh hna i, bomb an hmanhnak an phak ah kan puahhnawh hna i, SAC ralkap 20 nak tlawm lo an thi, tam ngai hliamhma an pu. Aa hliammi cu mizaw phorhnak motor nih a rak lak hna, tiah (L.D.F KALAY ) nih cathanh an chuah.

June 20 zanlei sml 3:00 hrawng ah Sagaing ramṭhen, Inntaw peng Meza sakhan hmu, Maung Maung Hla Tint telh in palik 2 aa citmi motor cu, Inntaw le Meza kar lakah bomb puah an tong i, sakhan hmu cu a hmai a sop dih. A dang palik zong an hliamhma fak ngai. Meza sakhan ah an thlopbul hna, tiah Inntaw IR Team nih cathanh an chuah.

 

 

Credit:TCP

Author: admin

Leave a Reply

Your email address will not be published.