World Refugee Day June 20, 2022 ah, Russian journalist Dmitry Muratov nih, a Nobel laksawng Medal cu, Ukraine raltlan nauhak pawl hrang ah, auction ah a zuar

World Refugee Day June 20, 2022 ah, 2021 Nobel Peace Prize Medal a ngah tu Russian journalist Dmitry Muratov nih a Noble laksawng Medal cu, Ukraine raltlan pawl bawmnak hrang ah, auction ah a zuar tiah thuthang kan nei. Bawmnak a pek duh mi a san cu, ral ruangah harnnak a tong mi Ukraine nauhak pawl ih an hmailam ruahsannak a thar pek a duh ruang ah a si.

Himi a zuar mi hi laksawng pek tu Nobel committee nih a lung a kim pi mi a si. Nobel medal hi 175 gram a rit, 23-karat sui a tel ii a man ngainngai hi $10000 a si. Auction tuahnak ding a hmun cu New York City ah a si ii, tuni tlawnngkai ni 1 zinglamah $550,000 in a lei duh tu an um zo. Zaanlam ah cun millions rori tiang hman a pek duhtu ann um thei men tiah ruahsannak a um. A zuar theh in UNICEF hnen ah Ukrainne raltlan nnauhak pawl bawm ding ah a pęk ding a si.

James Watson in 1962 ah a ngah mi a Nobel medal cu $4.76 million in 2014 ah a rak zuar ngah dah. 2017 ah Francis Crick nih a Nobel medal cu $2.27 million in a zuar thei. Himi pawl a zuar saktu cu Heritage Auctions tho tho a si.

Journalist Dmitry Muratov nih ‘’Ka ram(Russia) nih ramdang(Ukraine) cu a do ii a tu cu 15.5 million raltlan sung ah zaatek 40 hi cu a har tuk lo mi an si. 5.3 million hi cu bawmnak pek a tul rori mi an si. Ziang tin nitin an thuruat lo in nung thei a si ding?’’, tiah a sim.

2021 December ah, Dmitry Muratov cu Philipine journalist Maria Ressa thawn Nobel Peace Prize an rak ngah tlang. An pa 2 ten an mah le an ram cio ah, nunnak himlo dinhmun le mah ram ih acozah tiang nih hnaihnoknak a phunphun karlak ah, zalen zet ih thurel theinak/free speech hrang ah, nasa zet in an rak zuamnak ruang ah Nobel Peace Prize an rak ngah mi a si.

Dmitry Muratov cu Novaya Gazeta thuthang/newspaper suah tu a și. Himi thuthang suahtu hi Kremlin timi Russia Acozah ih a hnatuan mi a soi ngam tu, a ngan ngàm tu, le a phuang ngam tu a si. Ukraine ih ral a cang mi thu pawl cat lo in a rak phuang rero nan, a journalists pawl kum 15 thawngthlak tuar ding in an tthih ruang ah, 2022 March thla ihsin thuthang suah nawn lo in an cawl ta.

Ref : Aljazeera English & The Associated Press, Photo : Perild, ABS-CBN New

 

Author: admin

Leave a Reply

Your email address will not be published. Required fields are marked *