Rebecca saimawi’n Norway-ah Aung San Suu Kyii piancham lawmpuina hla a sa 

Norway Rama cham mek zaithiam lar Rebecca Saimawii hian Myanmar ramah Military council sorkarin nikum 2021 Febuary thla tir a, thuneihna an pawnglak phat atangin kan manganna leh lungngaihna min tawmpui nghal a, Myanmar Democracy lamtluang kan zawh leh theih nan , a rilru zawng zawngin Myanmar mipuite tawrhna chu min hriatthiam pui em em a, a zai remsak thintu” Otto Band ” musician-te hi rimawi khawvela khilam chhuak a thian hlui te an lo ni hlawm bawk avangin Myanmar ram hi min vei pui leh zual a ni.

Myanmar mipuite rilru thawi dam nan a , han puih theih dan tur kawng a tan a vang hle a, Myanma mipui tan an hla chuam “Democracy Hlapui” han zai sak mai kha a theih ve chhun a ni ta mai si a, kawl tawnga ‘Kabar Ma-kyi Bu’, ( Mizo tawngin a awm zia chu “kan tuardam thei lo ) tih hla” chu Burmese tawng thiam miah lo chungin a zir chawp ta a, Myanmar mipuite rilru na mek , a chhawk dam beiseiin, sipai firfiak ten tharum an thawh avang a ,rahbehna tuar mek Myanmar mipuite tan lungdamna ,phurna leh chakna thar a pe thei mahna- tiin Burmese hla ,a han record ve pawp mai tih kan hre theuh awm e.

Zaithiam Rebecca Saimawii hian a rinphak bak bakin a hla sak avangin khawvel hmun hrang hranga Myanmar mipuite lawm a hlawh a, reilote chhungin Myanmar mipui maktaduai 50 chuang zingah a hla sak chu ngaihthlak a hlawh ta hle mai a, Mizoram hmeichhia Burmese hla sa thiam leh lar ber a ni ta a ni.

Tichuan Pi Makuri hi vawiin thleng hian Myanmar lam unau ten unau vawna vuanin, an ngaina in an hmangaih hle a , Myanmar Democracy kawng kan zawhna-ah hian kan rualin a kechheh a pen ve zel a ni.

Myanmar ram hruaitu, Democracy Icon,Iron Lady tia khawvelin a hriat, Daw Aung San Su Kyii piancham ,June ni 19 denchhan in , nikum 2021 khan online hmangin Rebecca Saimawii hian a lo zai tawh a.kumin 2022-ah erawh chuan a takin ‘Aung San Su Kyii Park’, Froland, Norway ah 16th, 17th leh 18th June 2022 khan programme neiin Myanmar mipui tan zai min vawr sak leh ta a ni.

July ni 2-ah Norway khawpui Oslo-a National Unity Government ( NUG) leh CRPH- te buatsaih Concert-ah Pi Makuri hi a zai leh dawn bawk a ni.

 

Author: admin

Leave a Reply

Your email address will not be published. Required fields are marked *