KIA Le PDF Thiamhlei Commando Ralkap 7 Nih SAC Ralkap 18 Nak Tlawm Lo An Thah Hna

KIA Le PDF Thiamhlei Commando Ralkap 7 Nih SAC Ralkap 18 Nak Tlawm Lo An Thah Hna!: Kachin ramkulh, tiva aa tonnak(မြစ်ဆုံ) pawng ah KIA le PDF thiamhlei commando ralkap 7 i bawm in SAC ralkap za leng cu nizan June 18 zinglei ah bomb in kan puahhnawh hna i, SAC ralkap 18 nak tlawm lo an thi. Tam ngai hliamhma an pu, tiah PDF nih an thanh.

June 18 zinglei ah Pu Ta U(ပူတာအို) in tiva aa tonnak lei ah a kalmi SAC ralkap cu KIA le PDF thiamhlei commando hna nih bomb in an puahhnawh hna. A hlankan in thawng an theih caah timhcia tein an kah khawh hna, tiah theih a si.“Tiva aa tonnak pawng ah, SAC ralkap za leng cu an ṭum lei ah bomb in kan puahhnawh hna caah 18 nak tlawm lo an thi. 37 hrawng faak ngai in hliamhma an pu. Vanlawng hmang in hriamngan in an kan kah ko nain kanmah lei a thimi le aa hliammi kan um lo,” tiah PDF nih an langhter.

“Kanmah lei in thiamhlei commando ralkap 5, KIA thiamhlei commando ralkap 2, kan dihlak 7 kan si. SAC ralkap nih ‘an tam tuk’ tiah an kan ruah caah 60mm le RPG in an kan kah” tiah PDF nih an chim.“A hlankan in thawng kan theih caah sml 1 chung hrawng timhcia tein bomb kan hmanh dih hna. SAC ralkap pawl cu ke in an ṭum i, bomb kan hmanhnak pawng an phanh ah bomb cu kan puahhnawh hna. Cu dih in meithal in kan kah hna,” tiah PDF nih an langhter. KIA zong nih tiva aa tonnak pawng ah SAC ralkap cu bomb in kan puahhnawh hna caah tam ngai an thi i, hliamhma pumi zong an tam, tiah an thanh ve.

Credit: the chin post

Author: admin

Leave a Reply

Your email address will not be published.