Myanmar mipi tanpinak ding pawisa ting 90 Mizoramah a hlo

Myanmar ralkap pawlin mipi thuneihnak cozah an pawng lak hnuah Parliament elected member an bàn tâk pawlih  an din mi, National Unity Government (NUG) hnenih leitlun hmun tin kim ih sin  Myanmar mipi tanpinak ding pawisa thawh khawm ih sin ting 90 cu Mizoramah a hlo.

Nunhimnak hawl ih Kum 2021-ih Myanmar ih sin Mizorama rawn lut U Aungthang, Chin state-ih Mindat district MLA hlun cun miniah khan  Aizawl Press Club ah thuthar thehdarhtute a kâwm ih; Myanmar mipi tanpinak ding pawisa ting 90 cu Mizoramah a hlo thu a sim a si.

U Aungthang sim danin, NUG fehtlangih  tanpinak a dawn mi cu bank-ih ret dingin Myanmar-ah bank account a hmang thei rih lo ih, Mizoramah khal India khua leh tui a si loh ruangah bank account a nei thei lo ih; curuangah NUG hnen ih sin tanpinak a hnen ih lut mi cu Mizorama bank fehtlang ih dawng dingin mi bank account a hmang /sang ih , bank account a hman/sang mi ih sin pawisa ting 90 a  hlo  a si.

U Aungthang cuan, bank account an hmansak mi cu Myanmar ih sin kum 20 liam zo mi Mizoramih lut, India khua leh tui sinak nei a si thu a sim ih, “Kan mitheihthiam mi fehtlangin Ramhlun ih LRM hospital kiang ih um Mangliana bank account-ah kan ret ih, India pawisaa ting 90 cu Mangliana bank account ih sin a hlo ih, tunah cun Mangliana umnak khal kan thei lo,” a ti ih, theihtawp suahin hmuh sal dan ding an hawl thu a sim.

Myanmar ráltlânte Mizoram mipi leh cozah in  an lo dawnsawn danah a lungawi thu leh Myanmar ramih mipi rorelnak cozah a din theih nak dingin  theihtawp suahpi dingin  Mizoram mipi a duh thu Aungthang cun a sim cih a si. Cp. vanglaini.

Author: admin

Leave a Reply

Your email address will not be published. Required fields are marked *