Special Investigative department thu putsuak ruangah, home department-ih tuan staff pahnih cu dawhfawh han tuan, report pe theutu tiah puhin ralkap ih an kai.
Nayipyidaw, Home department, hnuaiih special investigative department ih sin thu put suak ruangah home department-i hnatuan staff 2 cu dawnfawh hna tuan, tiah puhin ralkap in an kai thu theih a si.
Special investigative department cu state counselor Daw Aung San Suu Kyi, President U Win Myint telin NLD cozah hruaitu lu pawl thubuai chi hrang hrang an tuah sak ih, harsatnak tuahtu an si thu vawrh darh a si cungcangah ccumi ih hnatuan junior officer 1 leh police pakhat cu kaih an si ih.
Dawnfawh tiih rinhleh leh puh mi 2 cu kai an si zo. Pakhat chu Police officer (pension zo) leh cangan mi, a fapa khal investigative officer si mi. Pakhat cu Red Cross director makpa, police sergeant (passport department) a si. An phone laksak a si thu, a hmuten an sim a si,” tiin Home department lamih source pakhatin a sim.
Special investigative department, police department, Home department hnuaiih um department dang dangah thuhla (thuruk) put suak lo dingin an beih nasat thu khal theih a si.
June thla pawhah khan Magui region zah secretary deputy director, Win Shane cu Khit Thit media hnenah thuhla a pek ruangah tiin ralkap lamin an kai ih, ram sung thuthuk puangsuak thubuai hmangin case tuahsak a si.
