Tihnak Ihsin Luatnak Rampi luatnnak hrang ah Thlacamnak tuah in Duhphorh cangvaihnak Freedom From Fear.

2022 June 19 ni cu, “Freedom From Fear” cauk a ngan tu Aung San Sukyi(ASSK) suahni kum (77) kum kim ni le Father’s Day a si. Burma ram ihsin General Strike For Coalition Body(GSCB) in, himi ni ah, thawngtlak pawl, thi ding ih daanntat tuar tu pawl le mipi ralkap pawl hrang ah, ramsung mipi zaaten, mah le biaknak cio ah rampi hrang ah, thlacamnak tuah cio ding in sawmnak le forhfialnak a nei a si.

Ralhrang ih a kutkaih ah a hmang mi a daan le duun sung ah a tel mipakhat cu thatlonak, hremnak, le siatsuahnak nasa tak ih tuah in mipi thinlung sung ah tihnak thunlut hi a tum mi a si. Cutin a thunlut hnu ah a thuneinak kha fek ter in ram a uk tum mi a si.

A sansan in Burma/Myanmar rampi cu, ralhrang pawl ih kut ah, ram mipi pawl hremtuar rero le harsa rero in, leitlun ah farahbik ram dinhmun ah a thlen pi. Cuih harsatnak pawl thawn ruat in cuaithlai a si le, tinak thinlung hi cu minung covo sung ralnak ah a tum zet mi a si.

ASSK hi rampi a rak hruai lai ah, zakhat ah zakhat in a mah le a party ah thuneihnak an rak ngah lo, a san lai ah ralhrang in thu a rak nei thotho. Ramuknak hrang ah timtuahawknak thazet ih rak nei deuh lo cu, a san ah hin a mah le a party pawl hnatuannak zoh in a fiang. Tlanngpar miphun pawl hrang ah cun mee an rak thlak mi cu, thinnatnak ah a rak cang mi tampi a rak um.

Atutum ralhrang in ramuknak thuneinak a cuh hnu ni 500 lenglo sung ah, kaihtuar mi sung in mi pa 4 hri awk rori in thih ding daanntat a tum. Himi daanntatnnak vek cu Myanmar in a hmang lo nak kum 30 lenglo a si. Ziang ziang khal a si le, ramsung ramleng zaaten, dothlengnak a cem tiang, kan neh tiang in lungrualnak thawn kan tang a tul ruang ah, June 19 ni ah, kan mah le umnak hmun cio ah thlacamnak nei cio uh sih.

 

Author: admin

Leave a Reply

Your email address will not be published. Required fields are marked *