Sean Turnell Cu Ralhrang Kut In Luat Nak Ding Ah Australia A Cawl Cuah Mah Cang

Australia rammi Economist Sean Turnell cu thlah cang dingin Australia Prime Minister Anthony Albanese nih SAC nawingeitu hna cu June 16 ah a nawl hna. NLD chan lio ah Myanmar economic lei ah ruahnak petu Australia rammi Sean Turnell cu SAC ralkap nih nawlngeihnak an laak hnu a ni 5 nak ah tlaih a rak tong.

Turnell cu Myanmar ram phungphai a thlithup in a buartu na si, ti in SAC nih taza an cuai i, atu ahcun thla 16 chung a rau cang. SAC nih cun biaceihzung ah chuahpi dingin tette kan ngei tiah an chim.

Sean Turnell cu an thlah ding a si, hi kong he pehtlai in Australia cozah nih rianṭuan kan i tim. Kan hmuhtonmi ningin chim ahcun a dik lomi a si pinah nuhrin covo he aa tlak ningin biaceihnak cu SAC lei nih an hlawt, tiah Australia Prime Minister nih a chim.

Sean Turnell thlah ṭhan nakding kong he pehtlai in Australia cozah nih a si khawh chung in ṭuanvo kan laak lai, tiah an chim bantukin Australia ramdang palai zong nih SAC sinah nawlnak a tuah cang.

 

 

 

Crd:TCP

Author: admin

Leave a Reply

Your email address will not be published.