Guys From Chin Nih Mizoram Ih Ummi Raltlan Hmun Thenkhat Ah Bawnhnak An Pek sal,

India, Mizoram sung ih raltlan camp thenkhat ah Guys From Chin le Myanmar mino pawl nih raltlan pawl hnenah bawmhnak an pek i, forhfialnak le thazaang peknak khal an nei, tiah theih a si.

Raltlan camp hmun 4 ah kan feh i, Hlasak thiam pawl nih hla an sak sak a si. Cun, paisa le eiin tirawl bakah dawngtepuahnak thilri khal kan pek a si. Raltlan pawl nih harsatnak tampi an tong,” tiah khualtlawnnak ih a tel ve mi pakhat nih a sim.

Guys From Chin in P. Thawng Bawi, David Lai le Banjamin Sum nih raltlan camp 4 hrangah Rupee 100,000 le eiin dangdang pawl an pek hleiah camp pakhat ah chinlung(ခြင်းလုံး) 2 cio le chinlung net(ပိုက်) 1 cio an zar sak a si, tiah theih a si.

Bawmnak lawng kan zoh i, Mibawm thei mi kan tul nasa a si,. Hnatuan ding le a har tuk ruangah  paisa khal a har. Atu vek in Guys From Chin nih in bawm ruangah lungawinak tampi kan nei, hi mi hnak in tampi mi bawm theitu si hram hai seh  tiah thla kan camsak a si,” tiah Dapchhuah raltlan camp ih um mi Kee Maung nih Mizzzima ah a sim.

Bawmnak an peknak hmun hi hmun 4 ah a si i Dapchhuah, Mamit District; Nghalchawm; Aizawl District, Sihhmui; Aizawl District le Sairang; Aizawl District pawl ah an si i, cu camp 4 ah cun minung 300 fai an um, tiah theih a si.

Raltlan camp kiang te ah hin khua fate te a um lawng a um ruangah hna tuan ding a um lo i, cawmtu nei lo insungsang hrekkhat cu hna ṭuan thei lo in an um i, an harsa ngaingai. Khua te ah cozah nih bawmnak a pek mi tete lawng a si ruangah Khrihfa bu, khawtlang le mibawm theutu pawl lawng rinsan ding an nei tiah theih a si, Camp i a ummi nauhak hrekkhat cu khuasung tlawngin ah an rek ko nan sungkua harsatnak ruangah hrekkhat cu tlawng kai thei loin an um.

Mizoram sung ah Myanmar mi raltlan 40,000 leng an um zo i, cu mi pawl cu Mizoram cozah, Khrihfa bu, khawtlang le pumpak mibawm theutu pawl nih an bawm a si. Raltlan pawl cu an har sa ko nain atu tiang ah India central cozah nih a cohlang hrih lo i, bawmnak khal a pe hrih lo, tiah theih a si. Crd: The Chin Post

Author: admin

Leave a Reply

Your email address will not be published.