CDF CDM-Siyin Le PDF-Zoland Kutcakin SAC Ralhrang (7) Thi, (15) Lai Hliamhma Ngah

Tu sun 2.00 pm hrawngah khan misual ralkap motor Tidim lam pan ih so cu CDF, CDM Siyin leh Zoland unau pawlin an rak kap I, misual ralkap pa 7 thi in mipi ralkap lam an him tiah theih a si,

Hi mi ruangah lamzan khal tukar sung phit a si i, bike leh Motor ziang lirthei khal Tiau leh Tidim feh sian a si hrih lo.

June ni 16, 2022 ah SAC ralhrang motor tluan (17)cu Kalaymyo ihsin Chin ramkulh, Tedim lam panin an so ih tuihni June ni 17, sun suimilam 2:30 hrawngah Tedim khua an luh hlan ah CDF CDM-Siyin, PDF-Zoland tangkop thawn kahdoawknak asuak ruangah ralhrang (7) thi, (15) lai hliamhma an ngah tiah thuthang kan thei.

Chin Ramkulh Ah SAC Ralhrang Kuttang Phunhra Camibuai Ongtu 605 Um. Kum 2022, March thla ah SAC ralhrang ih tuahmi Phunhra camibuai ah tlawngta 281,751 an phi ih 132,077 an ongsuak asi tiah SAC in theihternak a nei.

Chin ramkulh ah Phunhra phitu 2,259 sung ihsin 605, Kayah ramthen ah 575 sung ihsin 222 an ongsuak asi tikhal theih asi. Chin Ramkulh, Mindat Pengah SAC Ralhrang Ih Hriamhreipi Kahtuar Ruangah Mawh Neilo Mi (3) Nunnak Liam.

Tuihzing June ni 16, 2022, suimilam 9:30hrawngah SAC ralhrang in Mindat peng, 274 battalion ihsin Muitui khua lamcu hriamhreipi thawn thuruahnak neilo in an kah ruangah kum (60) tlun kum upa pahnih le kum (30) minu pakhat cu hliamhma ngahin nunnak a liam tiah thuthang kan ngah.

Cuih Muitui khua ah SAC ralhrang ih hriamhreipi vei thum a puak ih mipi inn le lo (4) a siatsuah tikhal theih asi. Mizaan khalah Mindat peng sungih khua pathum ah hriamhreipi apuak tiah theih asi.

 

Author: admin

Leave a Reply

Your email address will not be published. Required fields are marked *