US Texas state-ih PDF hrangih vehburkhawnnakah US dollar 50000 luan hmuh a si

USA Texas state, Amarillo khuaih PDF hrangih vehburkhawnknak market show neihnak leh NUG Bonds zuar suahnak ih sin US dollar 50000 luan hmuh a si ih.

Chu show June ni 12, US can, sun nazi 12 ih sin zan lam nazi 5 tiangin
Amarillo PDF Support Group kaihhruainakin Buddhist puithiam compound-ah neih a si.

PDF pawl hrangih thil zuar suah ruangah US dollar 8017 luan leh NUG Bonds zuar suahnak ih sin dollar 42956 (Myanmar pawisain ting 850 luan) hmuh a si.

Cumi market show ih sin paisa lut mi hmuah hmuah cu Amarillo PDF supporting Group ih sin PDF te hnenah direct-in pek a si ding ih, NUG Bonds zuarnak paisa cu NUG cozah Finance Ministry-hnenah pek luh a si ding.

A tawreltu zinga mi Ko Soe Min cun, ”PDF tanpinak thawhlawm tling khawm thei dingih tanpitu zaten parah kan lungawi nasa ih. in rawn tanpi leh sawngtu Pan Se Lu khalin market show ih sin pawisa hmuh mi hmuah hmuah cu kanni Amarillo PDF Supporting Group hnenah a hlo a bang um lovin in pe thluh a si,” tiin Mizzima a sim.

Amarillo PDF Supporting Group cu Myanmar ramah ralkapin thuneihnak a lak kum 2021 ih sin kum 2022 thleng ih ralthuam in military council dotute leh raltlan mipi pawl tanpitu pawl a si.

Cu mi tanpinak leh sawmdawlnak an fehpi dan cu NUG Defense Ministry leh Border thuneitute theihterin an fehpi ih. Amarillo khuaih neih mi vehburkhawnnak bazzar cu Karen, Chin, Mon, Burma, Rakhine leh Shan unau pawlin an telpi ih, a suak khawm mi za ten cu mi 500 hrawng an si thu theih a si.

 

Author: admin

Leave a Reply

Your email address will not be published.