Myanmar ram sungih raltlan pawl tanpi nak Aung San Suu Kyi zuk/ lem ngannak lilam a si

Myanmar ram chhunga raltlante ranpui nan Norway ram CRPH Support Group hnena hlan, Pi Suu Kyii lemziah (painting) chu a lei duhten inchhan huai siak a, lilam (auction) neih a, a chhang huai ber leh a lei theitu chu June ni 19, Pi Suu Kyii pian niah puanzar a, hlan a nih tur thu hriat a ni.

Norway ram palai pawl officer Daw Witt Hmun Win chuan ‘UK-a awm lemziak thiam Dr. Linda Smith chuan ama ziah ngei Daw Aung San Suu Kyi lem (painting) chu keini CRPH Support Group Norway hnenah a rawn hla a. Chu lemziak chu June ni 5 atangin chhan theihna hniam ber dollar 1000 atangin kan lilam tan a. Lilam tihtawp hun tur chu June ni 19 Myanmar ram dar 12-ah a ni ang. Chuta a chang tur hming chu Pi Suu Kyii fapa naupang zawk Ko Thein Lin (Kim)-an a puang ang a. Lilamna atanga hmuh sum erawh chu Myanmar ram chhunga raltlante tan hlan a ni ang a, mahse khawi hmuna mite tan nge pek a nih dawn tih erawh chu pawlin a ngaihtuah dawn a ni,” tiin a sawi.

Pi Suu Kyii lem (painting) ziaktu Dr. Linda Smith chu tun Chemist a ni a, London khua St. Martin Art & Design collage atanga degree la niin, lemziak lamah lawmman chi hrang hrang a lo dawng tawh a, a kut chhuakte chu UK hmun hrang hrangah tar chhuah (show) a ni tawh bawk.

June ni 18-ah Aung San Suu Kyi Park Committee (Norway) leh CRPH Support Group (Norway) tangkawpin Froland khuaa Aung San Suu Kyi Park-ah a piancham kum 77 lawmman an buatsaih dawn a. Zai lam leh ei in chi hrang hrang chhawp chhuaha lei theih a ni dawn a. Chuta tanga sum hmuh hlep zawng zawng chu Myanamr ram chhunga raltlante tan pek a ni dawn bawk a.

Chu Aung San Suu Kyi piancham lawmnaah chuan Europe-a awm political party mi leh sate an kalkhawm dawn a, Aung San Suu Kyi Park Committee ten a bika an sawm, India ram Mizo ziathiam Rebecca Saimawii pawh a tel dawn a; a rualin Bambus og mindat (Norway) zaithiamte pawhin hun an hman dawn thu hriat a ni.

Author: admin

Leave a Reply

Your email address will not be published. Required fields are marked *