Lai Tlang Lei Ah Kalay Lei In Ralhrang Motor Kai Mi Kong He Peh Tlai In Thawng Pang Thar

Kalay in Laitlang lei ah nihin 16 Pur suimilam 11:00am (Myanmar) hrawng ah ralhrang motor 13 an kai than tiah theih a si. Hi motor 13 chungah motor 5 hi thilri phurmi an si i a dang motor ahcun ralhrang an khat.
Zinglei suimilam 8:00am hrawng zongah ralhrang motor 4 an kai cang.

Ralkap thuneihnak latu dodal pawl khawpi sung ih guerilla pawl te, tualsung PDF pawl cancin pe thei cu laksawng pek a si ding thu military council Anti-Terrorist pawlin June ni 13 date hmangin thusuah an tuah.

National Unity Government (NUG), CRPH te din PDF pawlin, military council thuneihnak ti siat dingin cozah office leh zirnak in pawl  an beih ding thu thusuah an tuah thu military council lamin an puangzar a si.

Asinan, zirna in beih ding thuhla cu NUG, CRPH leh PDF pawlin an tum loh thu leh civil mite target-ah hmangih beih an tum loh thu thusuah nak an nei cih a si.

Cutih laiah PDF pawl cun military council zawmih military council vekin  ralthuam keng thluh dingin ralkap control cancinbuah suah a si ring ring.

Ralkapin thuneihnak an lak hnu, kum 2021 May thla tharah Federal Army din dingin ethnic ralthuam keng pawl thawn biak awknak an nei ih People Defense Froce cu din a si thu NUG cozahin a puang zar thung a si.

Tun dinhmunah PDF battalion cu 257 umin, township level-ah pawl 250 din a  si zo ih, May ni 6 cu PDF din a si ih, a kum khat camphak a si thu NUG-in thusuah a tuah ih. Cu bakah, thla 11 chhungin firfiak ralkap 13000 luan thiin, 4000 leng an hliam a si, tiin, NUG cun thusuah an tuah cih a si.

Author: admin

Leave a Reply

Your email address will not be published.