Ralhrang military council nuai chimit dingin ralring cia dingin NUG President-in PDF-pawl a cah

National Unity Government (NUG), Defense Ministry department hnuai ih um PDF battalion 257 a um zo ih, cumi pawl thawn pehzawmawknak  revolution pawl khal 500 hrawng an um zo ruangah, NUG acting presient Du Wa La Shi La cun military council nuai chimit dungin ralring cia dingin a fuih a si.

Acting president cun, ‘Ni kum lamah cun Formation kan buaipi nasa ih, kum 2022-ah cun kan operation leh thil dangih kan bun nghet ding mi kan buaipi laiin, PDF khal battalion 257 hrawng an um zo tiah theih a si ih, Cu bakah MOD pawl thawn pehzawm aw  Local PDF khal 500 luan an um zo ih. Cu mi aia tha sawn Chain of Command nei ih, ralhrang nuai chimit ih, hneh thluh thei dingin tim kan tuah hi a tul a si, tiin a sim.

Cu bakah Min Aung Hlaing ih thuphan sim mi hliahkhum tumnak Election cu politics leh doawknak lam 2 hmangih do let thei dingin timtuah cia hi pawimawh bik a si, Cu cu department dang pawl khalin mawhphurhnak an nei thluh ih. Department-ih tuan mi hmuah hmuahin, MOD kan si lo ruangah kan tel ve lo ti lo in, cozah pumpiin Min Aung Hlaing leh ralkap pawl nuai chimit dingin departmentza ten lungrual a tul ih, mipi pawl cu an fuihin an sim fiang ding ih thazang khal an pek ding a si, tiin President cun a sim a si.

 

Author: admin

Leave a Reply

Your email address will not be published.